ޖޫން މަހު ތުރުކީވިލާތުގެ ރިޔާސީ އިންތިޚާބާއި ޢާއްމު އިންތިޚާބު ބާއްވަން ނިންމައިފި
ތުރުކީވިލާތުގައި އަންނަ ޖޫން މަހު ރިޔާސީ އިންތިޚާބާއި ޢާއްމު އިންތިޚާބެއް ބާއްވާނެކަން އެ ޤައުމުގެ ރައީސް ތައްޔިބު އުރުދުޣާން އިޢުލާންކުރައްވައިފިއެވެ. އަންނަ ޖޫންމަހުގެ 24 ވަނަ ދުވަހު ތުރުކީވިލާތުގައި އަވަސް އިންތިޚާބެއް ބާއްވާނެކަން އިއުލާނުކުރައްވާ އުރުދުޣާން ވިދާޅުވީ، ތުރުކީވިލާތަށް މިހާރު ކުރިމަތިވެފައިވާ އިޤްތިޞާދީ ގޮންޖެހުންތަކާއި، އަވަށްޓެރި ސޫރިޔާގައި ހިނގަމުންދާ ހަނގުރާމައިގެ ސަބަބުން، ތުރުކީވިލާތުގެ ވެރިކަމުގެ ނިޒާމު މިހާރަށްވުރެ ހަރުދަނާކުރަން ޖެހޭކަމަށެވެ.
