ދެކުނު އޭޝިއާ ޤައުމުތަކުގެ ވިޔަފާރީގެ ދަތިތަކާމެދު މަޝްވަރާކޮށްފި
ދެކުނު އޭޝިއާގެ ޤައުމުތަކާއި އެކު ވިޔަފާރި ކުރުމުގައި ދިވެހިންނަށް ހުރި ދަތިތައް ޙައްލުކުރުމާ ގުޅޭގޮތުން " ޗައިނާ ސައުތު އޭޝިއާ ކޯރޕަރޭޝަން" ފޯރަމްގައި މަޝްވަރާކޮށްފިއެވެ.
މި ފޯރަމްގައި ރާއްޖޭގެ ފަރާތުން އިސްބޭފުޅެއްގެގޮތުގައި ބައިވެރިވެވަޑައިގެންފައިވަނީ އިކޮނޮމިކް މިނިސްޓްރީގެ ޑެޕިއުޓީ މިނިސްޓަރ އާދަމް ތައުފީޤެވެ.
ޗައިނާގެ ޔުނާން ޕްރޮވިންސްގެ ޔޫޝީ ސިޓީގެ"ހިލްޓަން ޔުންޝީ ފޫޝިއާން ލޭކް ހޮޓެލް"ގައި ބޭއްވި ޗައިނާ ސައުތު އޭޝިއާ ކޯރޕަރޭޝަން ފޯރަމްގެ ފުރަތަމަ ބައްދަލުވުމުގައި ދެކުނު އޭޝިއާގެ ހުރިހާ ޤައުމަކުންހެން ބައިވެރިވެފައިވެއެވެ. މި ބައްދަލުވުމުަގއި ބައިވެރިވެފައި ނުވަނީ ބޫޓާނުން އެކަންޏެވެ.
