އދ ގެ ހިއުމަން ރައިޓްސް ކައުންސިލްގެ 38 ވަނަ ސެޝަނުގައި ރާއްޖެއިން ބައިވެރިވެއްޖެ
މި މަހުގެ 18 އިން ޖުލައިގެ މަހުގެ 6 ވަނަ ދުވަހުގެ ނިޔަލަށް ކުރިއަށްދާ އދ ގެ ހިއުމަން ރައިޓްސް ކައުންސިލުގެ 38 ވަނަ ސެޝަނުގައި ރާއްޖޭގެ ވަފުދުގެ އިސްބޭފުޅެއްގެ ގޮތުން ހަރަކާތްތެރިވެ ވަޑައިގަންނަވަނީ ރާއްޖެއިން އދގެ ޖެނީވާގައި ހުންނަ އޮފީހުގެ ޕަރމަނަންޓް ރެޕްރެސެންޓޭޓިވް ޑރ. ޙާލާ ޙަމީދެވެ. ޑރ. ހާލާގެ އިތުރުން ރާއްޖެއިން އދގެ ޖެނީވާގައި ހުންނަ އޮފީހުގެ ޑެޕިއުޓީ ޕަރމަނަންޓް ރެޕްރެސެންޓޭޓިވް ޖެފްރީ ސާލިމާއި، ޖެނީވާގައި ހުންނަ އޮފީހުގެ ފަސްޓް ސެކްރެޓަރީ އައިޝަތު ޝަހުލާވެސް ރާއްޖޭގެ ވަފުދުގައި ހިމެނިވަޑައިގަންނަވައެވެ.
