ގެވެށި އަނިޔާގެ މައްސަލަތައް އިތުރުވަމުން ދާތީ "ގެވެށި ގުޅުން" ކެމްޕެއިންގެ ފުރަތަމަ ބައްދަލުވުން ބ.އަތޮޅުގައި ކުރިއަށްގެންގޮސްފިއެވެ.
އޭދަފުށީގައި ކުރިއަށްގެންދިޔަ ހޭލުންތެރި ކުރުވުމުގެ މިބައްދަލުވުން އަމާޒުކުރީ ސަރުކާރު މުއައްސަސާ ތަކާ ކުންފުނިތަކުގައި ވަޒީފާ އަދާކުރާފަރާތްތަކަށެވެ.
މީ މިހާރު ރާއްޖޭގެ ޙާލަތައް ބަލާއިރު، ގެވެށި އަނިޔާގެ މައްސަލަތައް އިތުރުވަމުން އައުމާގުޅިގެން އާންމުން ހޭލުތެރިކޮށް އެފަދަ ކަންކަން ހުއްޓުވުމަށާ، ދުޅަހެޔޮ ދިރި އުޅުމަކަށް މަގުފަހިކޮށްދިނުމުގެ ބޭނުމުގައި ކުރިއަށްގެންދާ ކެމްޕެއިނެކެވެ.
ގެވެށި ގުޅުން ކެމްޕެއިން އަކީ 3 މަސްދުވަހަށް މިނިސްޓްރީ އޮފް ޖެންޑަރ ފެމެލީ އެންޑް ސޯޝަލް ސަރވިސްއިން އަތޮޅުތަކުގައި ގާއިމްކޮށްފައިވާ ފެމެލީ އެންޑް ޗިލްޑްރަން ސާވިސް ސެންޓަރތަކާ ގުޅިގެން ކުރިއަށްގެންދާ ކެމްޕޭނެކެވެ.
އެމިނިސްޓްރީން ބުނީ ބ. އަތޮޅުގެ އެހެން ރައްރަށުގައިވެސް މި ކެމްޕޭން ކުރިއަށް ގެންދާނެކަމަށާ، އަދި ރާއްޖޭގެ ހުރިހާ އަތޮޅެއްގައިވެސް މިފަދަ ކެމްޕައިން ހަރަކާތަތައް ހިންގުމަށް ހަމަޖެހިފައިވާކަމަށެވެ.