ކުށް މަދު އަމާން މާޙައުލެއް ޤާއިމުކުރުމުގެ މަޤުޞަދުގައި، އައްޑޫސިޓީ ސްކޫލުތަކުގެ ދަރިވަރުންނަށް މަޢުލޫމާތު ދިނުމުގެ ޕްރޮގްރާމެއް ފުލުހުން ފަށައިފިއެވެ.
މިމަހުގެ 24 ވަނަ ދުވަހު ފެށި މި ޕްރޮގްރާމުގައި ޖިނާއީ ކުށްތަކަކީ ކޮބައިކަމާއި، ޢާންމު އިޖްތިމާއީ މިންގަނޑު ތަކާއި ޚިލާފު އަމަލުތަށް ހުއްޓުވުމަށް ޤާނޫނުގައި ހިމެނޭ ކަންކަމާއި، ސައިބަރ ކްރައިމް އަދި މަގުމަތީގެ ސަލަމަތާއި ރައްކާތެރި ކަމާއި ގުޅޭ ގޮތުން މަޢުލޫމާތު ދިނުމަށް ވަނީ ހަމަޖެހިފައި ކަމަށް ފުލުހުން ބުނެއެވެ. މި ޕްރޮގްރާމު ޢަމާޒު ކޮށްފައިވަނީ ފުރާވަރުގެ އުމުރުފުރައިގެ ކުދިންނަށެވެ.
މިހާތަނަށް އައްޑޫސިޓީގެ ދެ ސްކޫލެއްގައި މި ޕޮރޮގުރާމުގެ ސެޝަންތަށް ވަނީ ކުރިއަށް ގެންގޮސްފައެވެ. އެގޮތުން ފޭދޫ ސްކޫލުގެ ގްރޭޑް 8 އާއި 9ގެ ދަރިވަރުންނަށް ކުރިއަށް ގެންދިޔަ ސެޝަންތަކުގައި ޢާންމު އިޖްތިމާޢީ މިންގަނޑާއި ޚިލާފު ކަންކަން ހުއްޓުވުމަށް ޤާނޫނުގައި ހިމެނޭ ކަންކަމާއި ބެހޭ ގޮތުން ވަނީ މައުލޫމާތު ދީފައެވެ. މަރަދޫ ފޭދޫ ސްކޫލުގެ ގްރޭޑު 7 އަދި 8 ގެ ދަރިވަރުންނަށް ވަނީ ކުދިންގެ އުމުރާ އެއްގޮތްވާ ގޮތުގެ މަތިން ސައިބަރ ކްރައިމްއާއި ގުޅޭ ގޮތުން މަޢުލޫމާތު ދީފައެވެ.
މިއީ އައްޑޫސިޓީގައި ސިލްސިލާ ކޮށް ކުރިއަށް ގެންދަން ރާވާފައިވާ ޕްރޮގްރާމެއް ކަމަށް ފުލުހުންގެ އިދާރާއިން ބުނެއެވެ.