އައްޑޫ ސިޓީއަށް އިއްޔެ ކުރި ވިއްސާރައަކީ މޫސުމާބެހޭ ގައުމީ އިދާރާއިން، މޫސުމާބެހޭ ރެކޯޑްތައް ބަލަހަޓަން ފެށިފަހުން ސައުވީސް ގަޑިއިރު ތެރޭ އެންމެގިނަ އަދަދަކަށް ވެހުނު ވާރޭކަމަށް ރިކޯޑް ކުރެވިފައިވާކަމަށް އެއިދާރާއިން ވިދާޅުވެއްޖެއެވެ.އިއްޔެ ހެނދުނު އަށަކުން ސައުވީސްގަޑިއިރުތެރޭ 228 ޕޮއިންޓް އަށެއް މިލިމީޓަރު ވާރޭ ވެހިފައިވާކަމަށް މޫސުމާއިބެހޭ އިދާއިން މަޢުލޫމާތުދެއްވައެވެ.މީގެ ކުރިން އެންމެ ގިނަ އަދަކަށް ސައުވީސްގަޑިއިރުތެރޭ ވާރޭ ވެހުނުކަމަށް ރޭކޯޑް ކުރެވިފައިވަނީ 2002ވަނަ އަހަރު ގދ ކާޑެއްދުއަށެވެ. އެއީ 218 މިލީމިޓަރުގެ ވާރޭއެވެ. އައްޑޫސިޓީގައި ހުރި ޕީއެސްއެމްގެ ނިއުސްކާސްޓަރ މައުލޫމާތުދިން ގޮތުގައި ބޯކޮށް ވާރޭވެހި، އައްޑޫ ސިޓީގެ މަރަދޫ އާއި ފޭދޫގެ 63 ގެއެއްގައި ފެންބޮޑުވެފައިވެއެވެ.މިއަދު އައްޑުއަށް އަދި ވާރޭ ވެހިފައެއްނުވި ނަމަވެސް މޫސުމާބެހޭ ގައުމީ އިދާރާއިން ލަފާކުރައްވަނީ މެދުރާއްޖެ ތެރެއާއި ދެކުނުގެ އަތޮޅުތަކަށް މިއަދުވެސް ވިއްސަރާކުރާނެކަމަށެވެ. އަދި ބައެއް އަތޮޅުތަކަށް ގުގުރުންވެސް އެކަށިގެންވާކަމަށާއި ކަނޑުތައްއާދައިގެވަރަކަށް މަޑުވެފައި، ވިލާގަނޑުގައި ކޮންމެވެސް ވަރަކަށް ގަދަވާނެކަމަށް ވެސް އެ އިދާރާއިން ލަފާކުރައްވައެވެ.