ފ.އަތޮޅުގައި އެފްއެސްއެމްގެ ފިއުލް ސްޓޭޝަން ޤާއިމުކޮށް ޚިދުމަތް ފަށައިފި

ފ.އަތޮޅުގައި ފިއުލް ސަޕްލައި މޯލްޑިވްސްގެ ފިއުލް ސްޓޭޝަނެއް ޤާއިމުކޮށް ޚިދުމަތް ދޭން ފަށައިފިއެވެ. ފ.އަތޮޅުގައި ފިއުލް ސްޓޭޝަން ޤާއިމުކުރީ ފ.ނިލަންދޫގައެވެ.

މި މަސައްކަތަކީ ރާއްޖޭގެ ކޮންމެ އަތޮޅަކުން ފަސޭހަކަމާއެކު ތެޔޮ ލިބޭނެ އިންތިޒާމު ހަމަޖެއްސުމަށް ސަރުކާރުން ފަށާފައިވާ ވަރަށް މުހިންމު މަސައްކަތެކެވެ.

ޖުމުލަ 18 ރަށެއްގައި ފިއުލް ސްޓޭޝަން ޤާއިމުކުރުމަށް ވަނީ ނިންމާފައެވެ. މީގެތެރެއިން މިހާތަނަށް 5 ސްޓޭޝަންގެ މަސައްކަތް ނިންމާ ޚިދުމަތް ދޭން ވަނީ ފަށާފައެވެ.

ފިއުލް ސްޓޭޝަން ތަރައްޤީކުރާ ރަށްތައް:

ރ. ދުވާފަރު
ހއ. އިހަވަންދޫ
ހދ. ހަނިމާދޫ
ގދ. ފަރެސްމާތޮޑާ
ށ. މިލަންދޫ
ނ. މަނަދޫ
ބ. އޭދަފުށި
ވ. ފެލިދޫ
ތ. ހިރިލަންދޫ
އއ. މަތިވެރި
މ. މުލައް
ދ. ކުޑަހުވަދޫ
ލ. ގަމު
ރ.ދުވާފަރު
ހއ.އިހަވަންދޫ
ހދ.ހަނިމާދޫ
ބ.އޭދަފުށި
ފ.ނިލަންދޫ

މިހާތަނަށް މަސައްކަތް ނިމުނު ރަށްތައް:

ހއ.އިހަވަންދޫ
ހދ.ހަނިމާދޫ
ރ.ދުވާފަރު
ބ.އޭދަފުށި
ފ.ނިލަންދޫ

Today marks another important milestone with the opening of the fuel station in Faafu Atoll, in F. Nilandhoo. pic.twitter.com/eLN5edZduW

— FSM (@FuelSuppliesMv) April 16, 2026

މާލެއެކޭ އެއްގޮތަށް އަތޮޅުތަކުން ހެޔޮ އަގުގައި ތެޔޮ ނުލިބުމަކީ ރައްޔިތުންގެ އޮތް ވަރަށް ބޮޑު ޝަކުވާއެކެވެ. އެފްއެސްއެމްގެ ޚިދުމަތް މާލޭގެ އިތުރުން ދެމުން އައިސްފައިވަނީ އައްޑޫ ސިޓީ ގަން، ހުޅުމީދޫ، ފުވައްމުލައް ސިޓީ، ކޫއްޑޫ، ތިނަދޫ ސިޓީ އަދި ފެލިވަރުގައެވެ.

ގިނަ އަތޮޅުތަކުގައި ތެޔޮ ފޯރުކޮށްދެނީ އަމިއްލަ ފަރާތްތަކުންނެވެ. އޭގެ ސަބަބުން ތެޔޮ ގަންނަން ލިބެނީ އާއްމު ރޭޓަށްވުރެ އަގު ބޮޑުކޮށެވެ. މިކަން ޙައްލު ކޮށްދެއްވުމަށް ސަރުކާރުން ނިންމެވީ، ރާއްޖޭގެ ކޮންމެ އަތޮޅެއްގައި ހެޔޮ އަގުގައި ތެޔޮ ލިބޭނެ އިންތިޒާމް ހަމަޖައްސަވައި ދެއްވުމަށް ފިއުލް ސްޓޭޝަންތަކެއް ޤާއިމްކުރުމަށެވެ.

ކުރިއަށް އޮތް ދެ މަހެއްހާ މުއްދަތުގެތެރޭގައި މުޅި މަޝްރޫޢު އެއްކޮށް ނިންމުމަކީ އެސްޓީއޯގެ ޢަމާޒެވެ.