ހދ އަތޮޅުގެ ފަސް ރަށަކާއި، ލ.ގަމުގައި ފެނުގެ ނިޒާމް ގާއިމް ކުރުމަށް އޯޕެކް ފަންޑް ފޮރ ޑިވްލޮޕްމަންޓް، އޮފިޑުން ފައިސާގެ އެހީ ހަމަޖެހިފައިވާ ކަމަށް ފިނޭންސް މިނިސްޓްރީން ހާމަކުރައްވައިފިއެވެ.އެފަންޑުން މިފަހަރު ފައިސާ ހަމަޖެހުނީ ހދ. ވައިކަރަދޫ، ކުމުންދޫ، ނެއްލައިދޫ، ނޮޅިވަރަމް، އަދި މަކުނުދުއާއި ލ.ގަމުގައި ފެނުގެ ނިޒާމް ގާއިމްކުރުމަށް ކަމަށް ފިނޭންސް މިނިސްޓްރީން މަޢުލޫމާތުދެއްވައެވެ.މި ރަށްތަކުގައި ފެނުގެ ނިޒާމް ޤާއިމް ކުރުމަށް ހަމަޖެހިފައިވަނީ ލޮނުފެނުން މީރުފެން އުފައްދާ އާރް.އޯ ޕްލާންޓާއި ފެން ރައްކާކުރާ ޓޭންކް ބެހެއްޓުމަށްފަހު، އިޖްތިމާއީ އިސްކުރުބަރީގެ އެހީގައި ފެން ފޯރުކޮށްދޭ ގޮތަށެވެ.ފިނޭންސް މިނިސްޓްރީން މިހާރު ވަނީ މި މަޝްރޫއަށް ޝައުގުވެރިވާ ކުންފުނިތައް ހޯދުމަށް އިއުލާން ކޮށްފައެވެ. އޮފިޑުން ވަނީ މިދިޔަ މަހުވެސް 7 ރަށެއްގައި ފެނުގެ ނިޒާމް ގާއިމްކުރުމަށް ފައިސާގެ އެހީ ރާއްޖެއަށް ވެދީފައެވެ.މީގެ އިތުރުން އޮފިޑުން ރާއްޖޭގައި ހިންގާ އެންމެ ބޮޑު ޕްރޮޖެކްޓް ކަމުގައިވާ ނ.ވެލިދޫ، ރ.ހުޅުދުއްފާރު، ބ.ތުޅާދޫ، އަދި ގއ ކޮލަމާފުށީގައި ފެނާއި ނަރުދަމާ ގާއިމްކުރުމުގެ ޕްރޮޖެކްޓްގެ ޑިޒައިން މަސައްކަތް ނިމި އެ ޕްރޮޖެކްޓްވެސް އޮތީ ބީލަމަށް ހުޅުވާލާފައެވެ.