ތިމާވެށީގެ އެކި މަޝްރޫޢުތައް ހިންގުމަށް ކޮމަންވެލްތްގެ ޤައުމުތަކަށް ބޭނުންވާ މާލީ އެހީ ދިނުމަށް 1 ބިލިއަން ޑޮލަރުގެ ފަންޑެއް ހުޅުވައިފިއެވެކޮމަންވެލްތް ގްރީން ފައިނޭންސް ފެސިލިޓީގެ ނަމުގައި މި ފަންޑް ހުޅުވާފައިވަނީ މޯލްޓާގައި މިހާރު ކުރިއަށްދާ ކޮމަންވެލްތް ގައުމުތަކުގެ ބައްދަލުވުމުގައެވެ.މި ފަންޑަށް ފައިސާ ހޯދާނީ މެމްބަރު ގައުމުތަކުން ކަމަށާ އަންނަ އަހަރު ނިމޭ އިރު މިފަންޑުން ޤައުމުތަކުގެ އެކި އެކި މަޝްރޫޢުތަކަށް ފައިސާ ދޫކުރެވޭނެ ކަމަށް ކޮމަންވެލްތުން މަޢުލޫމާތުދެއެވެ.ކޮމަންވެލްތުން ބުނެފައިވަނީ މި ފަންޑުން ކޮމަންވެލްތުގައި ހިމެނޭ ކުދި ޖަޒީރާ ގައުމުތަކުން ހިންގާ އެކި އެކި ތިމާވެށީގެ މަޝްރޫޢުތަކަށް އިސް ކަން ދޭނެ ކަމަށެވެ. ކޮމަންވެލްތުގެ ޤައުމުތަކުގެ ސަމިޓް މޯލްޓާގައި ފަށާފައިވަނީ ހުސްވި ހަފްތާ ބަންދުގައެވެ.މިސަމިޓްގައި ރާއްޖެއިން ވެސް ބައިވެރިވެއެވެ.