މ.ދިއްގަރުގެ ބިން ހިއްކުމާ ގޮނޑުދޮށް ޙިމާޔަތްކުރުމުގެ ޢަމަލީ މަސައްކަތް ފަށައިފިއެވެ.
ދިއްގަރު ބިން ހިއްކުމާއި ގޮނޑުދޮށް ހިމާޔަތްކުރުމުގެ މަސައްކަތް ރަސްމީކޮށް ފަށްޓަވައިދެއްވީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އެމްޓީސީސީގެ ސީއީއޯ އާދަމް އާޒިމްއާއި، ދިއްގަރު ދާއިރާގެ މެންބަރު އިކްރާމް ހަސަންއެވެެ.
މިމަޝްރޫޢުތަކުގެ މަސައްކަތް ފެށުމަށް ބޭއްވި ރަސްމިއްޔާތުގައި ރަށުގެ ރައްޔިތުންވެސްވަނީ ބައިވެރިވެފައެވެ.
9 ހެކްޓަރުގެ ދިއްގަރަކީ އާބާދީ އިތުރުވުމުގެ ސަބަބުން ބިމުގެ ދަތިކަން ވަރަށް ބޮޑަށް ދިމާވެފައިވާ ރަށެކެވެ. އެކި ސަރުކާރުތަކުގައި ދިއްގަރުގެ ބިން އިތުރުކުރުމުގެ ވާހަކަަތައް ދެއްކި ނަމަވެސް މިހާތަނަށް އައިއިރުވެސް މިކަމުގައި ޢަމަލީ ސިފަ ޖެހިފައެއް ނުވެއެވެ.
ނަމަވެސް ސަރުކާރުން މިހާރު މިވަނީ ދިއްގަރުގެ ބިން ހިއްކުމުގެ މަޝްރޫޢު ކުރިއަށް ގެންދިއުމަށް ނިންމައި، އެކަމުގެ ޢަމަލީ މަސައްކަތް އެރަށުގައި ފަށާފައެވެ. ބިން ހިއްކުމުގެ މަސައްކަތާއެކު ރަށުގެ ގޮނޑުދޮށް ޙިމާޔަތްކުރުމުގެ މަސައްކަތްވެސް ރަށުގައިވަނީ ފަށާފައެވެ.
ބިންތިރިވުމުގެ ސަބަބުން، އުދައެރުމުގެ މައްސަލައަކީ ދިއްގަރަށް ކުރިމަތިވެފައިވާ ބޮޑު މައްސަލައެކެވެ. އުދައިގެ ސަބަބުން ގޭގެއާ މުދަލަށްވެސް އޭގެ ގެއްލުންތައްދަނީ ކުރިމަތިވަމުންނެވެ.
ދިއްގަރަށް ދިމާވެފައިވާ ބޯހިޔާވަހިކަމުގެ މައްސަލައާއި، އުދައެރުމުގެ މައްސަލައާ ގުޅޭގޮތުން ވާހަކަދައްކަވަމުން ކައުންސިލްގެ ރައީސް އަޙުމަދު ނިޝާން ވިދާޅުވީ ބިމުގެ ޖާގަ ފުރި ރަށަށް ބޭނުންވާ މުހިންމު މަސައްކަތްތައް ކުރިއަށް ގެންދިއުމަށް ހުރަސްއެޅިފައިވާކަމަށެވެ. ޚާއްސަކޮށް ރަށުގެ ބޯހިޔާވަހިކަމުގެ މައްސަލަ ޙައްލުކުރުމަށް ގޮންޖެހުންތައް ކުރިމަތިވެފައިވާ ކަމަށާއި، އިޤްތިޞާދީ ގޮތުން ރަށަށް ގެންނަން ބޭނުންވާ ކުރިއެރުންތަކަށްވެސް ހުރަސްއެޅިފައިވާ ކަމަށް ނިޝާން ވިދާޅުވިއެވެ.
"ރަށު ބިންވަނީ މުޅިން ފުރިފައި. ގޯތި ދޫނުކުރެވި ބޯހިޔާވަހިކަމުގެ މައްސަލަވަނީ ބޮޑު މައްސަލައަކަށް ވެފައި. އަމިއްލަ ގެދޮރު ނެތި އެތައް އަހަރެއްވެފައިވާ އާއިލާތަށް ގިނަ." ނިޝާން ވިދާޅުވީއެވެ.
ބިން ހިއްކުމުގެ މަޝްރޫޢުގައި ރަށުގެ ފަޅުތެރެއިން 25ހެކްޓަރުގެ ބިން ހިއްކުމަށްވަނީ ހަމަޖެހިފައެވެ. އަދި ހިއްކި ބިން ޙިމާޔަތްކުރުމާއި، ބޮޑު ހިލައިގެ ރިވެޓްމަންޓް ޖެހުމާއި ބޭރު ތޮށި ލުމުގެ މަސައްކަތް ހިމެނެއެވެ. މި މަސައްކަތް އެމްޓީސީސީއާ ހަވާލުކުރީ 15މަސް ދުވަހުގެ ތެރޭ ނިންމާގޮތަށެވެ.
"އެމްޓީސީސީގެ ޤާބިލިއްޔަތުކަން އިތުރުވެ ކުރިން އަހަރަކު 25 ޕްރޮޖެކްޓް ހިންގި ކުންފުނިން، މިއަހަރު މިހާރުވެސް 50 ޕްރޮޖެކްޓް ހިންގަމުންދަނީ. އަޅުގަނޑުމެންދޭ ޔަގީންކަމަކީ މި ޕްރޮޖެކްޓްވެސް މުއްދަތަށްވުރެ ކުރިން ނިންމުން. މިރަށަށް ހިލަ ހިފައިން އަންނަ ބާޖު 50 ދުވަސްތެރޭ އަންނާނެ ކަމުގެ ޔަގީންކަން ދެން." އާދަމް އާޒިމް ވިދާޅުވިއެވެ.
ބިން ހިއްކުމުގެ މަޝްރޫޢުގައި ރަށުގެ ފަޅުތެރެއިން 25ހެކްޓަރުގެ ބިން ހިއްކުމަށްވަނީ ހަމަޖެހިފައެވެ. އަދި ހިއްކި ބިން ޙިމާޔަތްކުރުމާއި، ބޮޑު ހިލައިގެ ރިވެޓްމަންޓް ޖެހުމާއި ބޭރު ތޮށި ލުމުގެ މަސައްކަތް ހިމެނެއެވެ. މި މަސައްކަތް އެމްޓީސީސީއާ ހަވާލުކުރީ 15މަސް ދުވަހުގެ ތެރޭ ނިންމާގޮތަށެވެ.
"އެމްޓީސީސީގެ ޤާބިލިއްޔަތުކަން އިތުރުވެ ކުރިން އަހަރަކު 25 ޕްރޮޖެކްޓް ހިންގި ކުންފުނިން، މިއަހަރު މިހާރުވެސް 50 ޕްރޮޖެކްޓް ހިންގަމުންދަނީ. އަޅުގަނޑުމެންދޭ ޔަގީންކަމަކީ މި ޕްރޮޖެކްޓްވެސް މުއްދަތަށްވުރެ ކުރިން ނިންމުން. މިރަށަށް ހިލަ ހިފައިން އަންނަ ބާޖު 50 ދުވަސްތެރޭ އަންނާނެ ކަމުގެ ޔަގީންކަން ދެން." އާދަމް އާޒިމް ވިދާޅުވިއެވެ.
މަޝްރޫޢުތަކުގެ ޢަމަލީ މަސައްކަތް ފެށުމަށް ބޭއްވި ރަސްމިއްޔާތުގައި ދިއްގަރު ދާއިރާގެ މެންބަރު އިކްރާމް ހަސަން ވިދާޅުވީ މި މަސައްކަތްތައް ކޮށްދިނުމަށް ދާއިރާގެ ރައްޔިތުން އެކި ސަރުކާރުތަކުގައި އެދުނުކަމަށެވެ. ނަމަވެސް މިކަން މިހާތަނަށްވެސް އޮތީ ހުވަފެނެއްގެ ގޮތުގައިކަމަށާއި، ބިން ހިއްކުމުގެ މަސައްކަތާއެކީ ބޯހިޔާވަހިކަމުގެ އިތުރަށް، އިތުރު ގޮތްގޮތުންވެސް ރަށަށް ބޮޑެތި ކުރިއެރުންތައް އަންނާނެކަމަށް އިކްރާމް ވިދާޅުވިއެވެ.
މ.ދިއްގަރުގެ ބިން ހިއްކުމާއި ގޮނޑުދޮށް ޙިމާޔަތްކުރުމުގެ މަސައްކަތް އެމްޓީސީސީއާ ހަވާލުކުރީ މިދިޔަ އަހަރުގެ ނޮވެމްބަރުމަހުއެވެ. މި ޕްރޮޖެކްޓްގެ އަގަކީ 121.8މިލިއަން ރުފިޔާއެވެ.