ހެންވޭރު ޝަހީދު ޢަލީ މިސްކިތް ކައިރި ހުރި ގެއެއްގައި އަލިފާނުގެ ޙާދިސާއެއް ހިނގައިފިއެވެ.
އެމްއެންޑީއެފްގެ އިންފޮމޭޝަން އޮފިސަރު ކެޕްޓަން އިބްރާހީމް ޢާޒިމް ވިދާޅުވީ ޝަހީދު ޢަލީ މިސްކިތް ކައިރި ހުންނަ ހ. ނިއުޝޯރ ޝައިން ނަމަކަށް ކިޔާ ގޭގައި އަލުފާނުގެ ޙާދިސާއެއް ހިނގައިގެން އުޅޭ ކަމުގެ މަޢުލޫމާތު އެމްއެންޑީއެފް ފަޔަރ އެންޑް ރެސްކިއު ސަރވިސަށް ލިބުނީ މިއަދު 3:38 އެހާކަށްހާއިރު ކަމަށެވެ.
އާޒިމް ވިދާޅުވީ ރޯވެފައިވާ އަލިފާންގަނޑު ނިއްވާލުމަށް އެ ސަރަޙައްދުގައި ފަޔަރ އެންޑ ރެސްކިއު ސަރވިސްއިން އެ ސަރަޙައްދުގައި ޙަރަކާތްތެރިވަމުން އަންނަ ކަމަށެވެ. އެމްއެންޑީއެފްއިން ބުނީ ރޯވެފައި ވަނީ އެގޭގައި ހުރި ލަކުޑިތަކެއްގައި ކަމަށެވެ.
ހ. ނިއުޝޯރ ޝައިން ގޭގައި ރޯވި އަލިފާންގަނޑު ކޮންޓްރޯލް ކުރެވިފައިވަނީ 3:53 ހާއިރުއެވެ. މި ޙާދިސާގައި އެއްވެސް މީހަކަށް ގެއްލުމެއް ލިބިފައެއްނުވެއެވެ.