ކޮފީ އަދި ޗޮކޮލެޓު މީރު ފަރާތްތަކަށް މީއީ ވަރަށްވެސް ކަމުދާނެ އެއްޗެކެވެ.
ބޭނުންވާނެ ތަކެތި :
2 ސަމުސާ ނެސްކެފޭ ގޯލްޑް ކޮފީ
4 ޖޯޑު ކިރު
1/3 ޖޯޑު ޗޮކޮލެޓު ޑްރިންކް ޕައުޑަރ
ތައްޔާރުކުރަނެ ގޮތް :
ހޫނު އެއްޗެހި އެޅޭކަހަލަ ޖަގެގައި ކޮފީއާއެކު 2/3 ޖޯޑު ހޫނުފެން އަޅާ ގިރާލާށެވެ. ދެން މީގެތެރެއަށް ½ ޖޯޑު އާދައިގެ ފިނިފެން އަޅާށެވެ. އެއަށްފަހު 14 އައިސްކިއުބްކޮޅު ހެދޭ ކަހަލަ ޓްރޭއަކަށް ގިރި ކޮފީ އެޅުމަށްފަހު 6 ވަރަކަށް ގަޑިއިރު ގަނޑުކޮށްލާށެވެ.
ދެން ކުޑަ ތާހެއްގައި ކިރުފޮދު ހޫނުކުރާށެވެ. މާބޮޑަށް ހޫނުނުވަނީސް ޗޮކޮލެޓް ޑްރިންކް ޕައުޑަރ އަޅާ އެއްކޮށްލާށެވެ. އަދި އުދުންމަތިން ތާސްނަގާށެވެ.
ކުރިން އައިސްކުރި ކިއުބްތައް ތިން ތައްޓަށް ބަހާލާށެވެ. އަދި މީގެތެރެއަށް ކެއްކި ޗޮކޮލެޓް ޑްރިންކްއަޅާށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ