ރާއްޖެއަށް ބަންގްލަދޭޝްއިން ބިދޭސީން އަލުން ގެނެވޭގޮތް ހަމަޖައްސަވައިފި

މިއަދުން ފެށިގެން ބަންގްލަދޭޝްގެ އަންސްކިލްޑް ލޭބަރުން ރާއްޖެއަށް ގެނެވޭގޮތަށް ސަރުކާރުން ހަމަޖައްސަވައިފިއެވެ.

މިނިސްޓްރީ އޮފް ހޯމްލޭންޑް ސެކިއުރިޓީން ކުރެއްވި ޢިއުލާނެއްގައި ވިދާޅުވީ ޑިސެމްބަރު މަހުގެ 17 ވަނަ ދުވަހުން ފެށިގެން ބަންގްލަދޭޝަށް ނިސްބަތްވާ އަންސްކިލްޑް ލޭބަރުން މަސައްކަތު މީހުންގެ ގޮތުގައި ރާއްޖެއަށް އެތެރެވެވޭނެ ގޮތް ހަމަޖައްސަވާފައިވާކަމަށެވެ. އަދި މިއާއެކު އެހެން ޤައުމުތަކުން ރާއްޖެއަށް އަންސްކިލްޑް ލޭބަރުން ގެނައުން މިވަގުތު މަޑުޖައްސާލާފައިވާކަމަށްވެސް އެމިނިސްޓްރީގެ އިޢުލާންގައިވަނީ ހާމަކޮށްފައެވެ.

މިނިސްޓްރީން ވިދާޅުވީ 17 ޑިސެމްބަރުގެ ނިޔަލަށް އެކްސްޕެޓް އޮންލައިން ސިސްޓަމަށް އަޕްލޯޑުކޮށްފައިވާ ޑޮކިއުމަންޓްތައް ޕްރޮސެސްކޮށްދޭނެކަމަށެވެ.

ސަރުކާރުން މިގޮތަށް ހަމަޖައްސަވާފައިވާއިރު މިކަމުގެ އިތުރު ތަފްސީލެއް އަދި ހާމައެއް ނުކުރައްވައެވެ.

As of December 17, 2023, Government has decided to resume the recruitment of unskilled labor from Bangladesh to the Maldives. Consequently, the temporary suspension on unskilled labor from other countries to the Maldives is currently in effect. pic.twitter.com/hjYACfxJ6I

— Ministry of Homeland Security & Technology, MV (@HomeMinistrymv) December 17, 2023

ކުރީގެ ސަރުކާރުންވަނީ ބަންގްލަދޭޝަށް ނިސްބަތްވާ އަންސްކިލްޑް ލޭބަރުން ނުވަތަ މަސައްކަތްތެރިން ރާއްޖެއަށް ގެނައުންވަނީ ވަގުތީ ގޮތުން ހުއްޓާލާފައެވެ. އޭރު އެގޮތަށް ނިންމެވީ ރާއްޖެއަށް އެތެރެވެފައިވާ ބަންގްލަދޭޝްގެ އަންސްކިލްޑް ލޭބަރުންގެ ޢަދަދު އެއްލައްކައަށްވުރެ އިތުރުވުމުންނެވެ.

ރާއްޖޭގައި މިވަގުތު އެއްލައްކަ ތިރީސްހާހަށްވުރެ ގިނަ ބަންގްލަދޭޝްގެ ލޭބަރުން ތިބިކަމަށް ސަރުކާރުގެ ކަމާބެހޭ އިދާރާތަކުގެ ތަފާސްހިސާބުތަކުން ދައްކައެވެ.