ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ޅ.އަތޮޅުގެ ބައެއް ރަށްތަކަށް ދަތުރުފުޅެއް ކުރައްވަން ނިންމަވައިފިއެވެ.
ރައީސް އޮފީހުން ވިދާޅުވީ މިމަހުގެ 18އިން 20އަށް ކުރައްވާ މި ދަތުރުފުޅުގައި އެ އަތޮޅުގެ 6 ރަށަކަށް ދަތުރުކުރެއްވުމަށް ހަމަޖެހިފައިވާކަމަށެވެ. މިދަތުރުފުޅުގައި ރައީސުލްޖުމްހޫރިއްޔާ ވަޑައިގަތުމަށް ހަމަޖެހިފައިވަނީ ޅ.އަތޮޅު މަޑިވަރާއި. ހިންނަވަރާއި، ފެލިވަރާއި، ނައިފަރާއި، އޮޅުވެލިފުށީގެ އިތުރުން ކުރެންދޫއަށްކަމަށް ރައީސް އޮފީހުގެ ތަރުޖަމާނު މުޙައްމަދު މަބްރޫކް އަޒީޒް ވިދާޅުވިއެވެ.
ރައީސުލްޖުމްހޫރިއްޔާ މީގެކުރިންވެސް ވަނީ ވެރިކަމާއި ހަވާލުވެވަޑައިގަތްފަހުން ޅ. އަތޮޅުގެ ބައެއް ރަށްތަކަށް ޒިޔާރަތްކުރައްވާ އެރަށްތަކުގައި ކުރިއަށްގެންދާ ތަރައްޤީގެ މަޝްރޫޢުތައް ބައްލަވާލައްވާފައެވެ. އަދި އެރަށްތަކަށް ކުރިމަތިވާ ދަތިތަކާ ގުޅޭގޮތުން ރަށުގެ ކައުންސިލަރުުންނާއި އެކު މަޝްވަރާތައްވެސް ކުރައްވައެވެ.
ރައީސް އަންނަނީ ރާއްޖޭގެ އެކި އަތޮޅުތަކުގެ ރަށްތަކަށްވެސް ދަތުރުފުޅުކުރައްވާ އެ ރަށްތަކުގެ ހާލަތު ގާތުން ބައްލަވަމުންނެވެ.