ގިނަ ވޯޓު ފޮށިތައް ބަންދުކޮށް، ވޯޓް ގުނަން ތައްޔާރުވެއްޖެއެވެ. އިލެކްޝަން ކޮމިޝަންއިން މީގެ ކުޑަ ވަގުތުކޮޅެއްކުރިން ވިދާޅުވި ކޮމަންޑޫ ދާއިރާގެ ވޯޓް ލާން ބެހެއްޓި 7 ވޯޓު ފޮށީގެ ތެރެއިން 5 ވޯޓުފޮށި ބަންދުކޮށްފައިވާކަމަށެވެ.
ވޯޓުލާން ކިއުގައި މީހުން ތިބުމުގެ ސަބަބުން މިހާތަނަށް ބަންދު ނުކުރެވިވަނީ، މާލޭގައި އިސްކަންދަތުގައި ބަހައްޓާފައިވާ 1 ނަންބަރު ވޯޓު ފޮއްޓާއި، އަދި ފޯކައިދޫގެ 2 ނަންބަރު ވޯޓު ފޮއްޓެވެ.
އެހެން ހުރިހާ ވޯޓު ފޮށިތަކަށް ވޯޓު ލާ ނުމި، މިހާރުވަނީ ބަންދުކޮށްފައެވެ. ވޯޓު ގުންނަން ފަށާނީ ވޯޓު ފޮށި ބަންދުކޮށް، 1 ގަޑިއިރު ފަހުންނެވެ.
ލަފާކުރާގޮތުގައި ވޯޓު ފޮށިތައް ގުނާ، ނަތީޖާތައް 6 ޖަހާކަށްހާއިރު ހާމަކުރަން ފަށާނެއެވެ.
ޖުމުލަ 7 ފޮށްޓެއް ކޮމަންޑޫ ދާއިރާގެ އިންތިޚާބުގައި ވޯޓުލުމަށް ބަހައްޓާފައިވެއެވެ. މާލޭގައި 2 ފޮށި، ކޮމަންޑޫގައި 2 ފޮށި، ފޯކައިދޫގައި 2 ފޮށި އަދި މަރޮށީގައި ވަނީ ފޮށްޓެއް ބަހައްޓާފައެވެ. މިއިންތިޚާބުގައި ވޯޓު ދިނުމުގެ ހައްގު ލިބިގެންވަނީ 3،309 މީހުންނެވެ.
މިއިންތިޚާބުގައި އިލެކްޝަންސް ކޮމިޝަނުން މިއަދު މެންދުރުފަހު 2 ޖެހުމާ ހަމައަށް ޢާންމުކޮށްފައިވާ ތަފާސްހިސާބުތައް ދައްކާގޮތުން ވޯޓުލުމުގެ ހައްގު ލިބިފައިވާ މީހުގެ ތެރެއިން 2241 މީހަކު ވަނީ ވޯޓުލާފައެވެ. އޭގެ ތެރޭގައި ހިމެނެނީ 1104 ފިރިހެނުންނާއި، 1137 އަންހެނުންނެވެ. މިއީ ވޯޓުލީ މީހުންގެ ނިސްބަތުން ބަލާނަމަ %68އެވެ.