ރައީސުލްޖުމްހޫރިއްޔާ މިއަދު މަޖިލީހަށް އިއްވި ރިޔާސީ ބަޔާނަކީ، އުއްމީދުން ފުރިގެންވާ ރިޔާސީ ބަޔާނެއްކަމަށް ރާއްޖޭގެ ސިޔާސީ ލީޑަރުން ވިދާޅުވެއްޖެއެވެ.
ރައީސުލްޖުމްހޫރިއްޔާ މިއަހަރު ދެއްވާ ރިޔާސީ ބަޔާނުގައި މިއަހަރަށް ރައީސުލްޖުމްހޫރިއްޔާ ގެންގުޅުއްވާ ތަރައްޤީގެ ތަސައްވުރު ވަނީ ހާމަކޮށްދެއްވާފައެވެ.
މިއަހަރަށް މަޖިލިސް ހުޅުވުމުގެ ގޮތުން ބޭއްވި މަޖިލީހުގެ ފުރަތަމަ ޖަލްސާގައި ރައީސުލްޖުމްހޫރިއްޔާ އިއްވި ރިޔާސީ ބަޔާނަކީ ރައްޔިތުންނަށް ބޮޑެތި އުންމީދުތަކެއް ގެނުވި ބަޔާނެއްކަމަށް ކޯލިޝަންގައި ހިމެނޭ ޕާޓީތަކުން ވަނީ ވިދާޅުވެފައެވެ.
ވެރިކަންކުރާ ކޯލިޝަންގައި ހިމެނޭ އަދާލަތު ޕާޓީގެ ރައީސް އިމްރާން އަބްދުﷲ ވިދާޅުވީ، ރިޔާސީ ބަޔާނުން ކަށަވަރުވިކަމަކީ ރައީސުލްޖުމްހޫރިއްޔާ އަކީ ކިތަންމެ ދަތި ޙާލަތެއްގައިވެސް ޤައުމާއެކު ކުރިއަށްދެވޭނެ ޤާބިލުކަންހުރި ލީޑަރެއްކަމުގައެވެ. އަދި ރައީސް ހުށަހެޅުއްވި ކަންކަމުން ޤައުމުގެ ކުރިއެރުން އާރާސްތުކޮށް، ޤައުމު ބިނާކުރުމަށް އުންމީދު ތަސައްވަރެއް ރައީސުލްޖުމްހޫރިއްޔާގެ ބަޔާނުން ހާމަވެގެން ގޮސްފައިވާކަމަށް އިމްރާން ވިދާޅުވިއެވެ.
Congratulations HE president @ibusolih on an informative and strong presidential address. As a coalition partner @MRM_Office is fully behind you for the good of the nation.
— Maumoon Abdul Gayoom (@maumoonagayoom) February 3, 2022
ރިޔާސީ ބަޔާނަށް ތައުރީފް ކުރައްވައި ކުރީގެ ރައީސް އަދި އެމްއާރުއެމްގެ ޒައީމް މައުމޫން އަބްދުލްޤައްޔޫމް ވިދާޅުވީ މިބަޔާނަކީ ޤައުމުގެ ކުރިއެރުމާއި، ތަރައްޤީއަށް އުންމީދުތަކެއް ގެނުވި ފުރިހަމަ ބަޔާނެއްކަމަށެވެ. އަދި މިއީ ރައްޔިތުންނަށް ތަސައްލީއެއް ގެނެސްދޭނެ އުންމީދީ ވާހަކަތަކެއް އެކުލެވޭ ބަޔާނެއްކަމަށް ރައީސް މައުމޫން ވިދާޅުވިއެވެ.
ރިޔާސީ ބަޔާނުން ކަށަވަރުވިކަމަކީ ރައީސް ސާލިޙަކީ ކިތަންމެ ދަތި ޙާލަތެއްގައިވެސް ޤައުމާއެކު ކުރިއަށްދެވޭނެ ޤާބިލުކަންހުރި ލީޑަރެއްކަން. އިޤުތިޞާދީ ބޮޑު ތަދުކަމާއެކުވެސް ވޭތުވެދިޔަ 3އަހަރުގެ ކާމިޔާބާއި ކުރިއަށް އޮތް 2އަހަރުގެ އަމާޒާއެކު މިރާއްޖެ އާހަރުފަތަކަށް ގެންދެވޭނެ އިންޝާالله pic.twitter.com/L3uKgwwiln
— Imran Abdulla (@ShimranAb) February 3, 2022
ރައީސުލްޖުމްހޫރިއްޔާގެ ރިޔާސީ ބަޔާނުގައި ވަނީ އެކި ދާއިރާތަކުން ގެންނަވާނެ ބަދަލުތަކާއި، ރާއްޖޭގެ އިޤްތިޞާދާއި ކުރިއެރުމަށް ގެންނަވާނެ ބަދަލުތަކުގެ ވާހަކަ ތަފްސީލީ ގޮތެއްގައި ރައްޔިތުންނާއި ހިއްސާ ކުރައްވާފައެވެ.
ރައީސުލްޖުމްޙޫރިއްޔާ ވަނީ ދިވެހިރާއްޖޭގެ ސިޔާދަތާ އިސްތިގްލާލީ ބުރުލެއް އަދި ގުޑުމެއް އައުމުގެ ކުޑަވެސް ފުރުސަތެއް ނުދެއްވާނެކަމަށް ވިދާޅުވެފައެވެ. އަދި ދިވެހި ގައުމިއްޔަތު ބިނާވެރިވި ދެމިއޮންނަންޖެހޭ ބަހާތަކުގެ މައްޗަށް ތާއަބަދު އޮންނާނެކަމަށާއި ސަރުކާރުން އެކަމަށް އަބަދުވެސް ފާރަވެރިވާނެކަމަށް ރައީސުލްޖުމްޙޫރިއްޔާ ވިދާޅުވިއެވެ.
ރައީސް ވިދާޅުވީ ދިވެހިންގެ އަމާން ސުލްހަވެރި ދިރިއުޅުމުގެ މައްޗަށް ނާމާންކަމާއި ހަތުރުވެރިކަމާއި އަދާވާތްތެރިކަމަށް ވެރިވެގަތުމުގެ ކުޑަވެސް ފުރުސަތެއް އެއްވެސް ބަޔަކަށް ނުދެއްވާނެކަމަށެވެ.