މިއަދު ޒަޙަމްކޮށްލާފައިވާކަމަށް ރިޕޯޓްކުރި 22 އަހަރުގެ މީހާއަކީ، މީހަކު ދިން ޙަމަލާއަކުން ޒަޙަމްވި މީހެއް ނޫންކަމަށް ފުލުހުން ވިދާޅުވެއްޖެއެވެ.
މިއަދު ހެނދުނު މައްޗަންގޯޅީގައި މީހަކަށް ޙަމަލާދީ ޒަޙަމްކޮށްލާފައިވާކަމުގެ މައްސަލައެއް ފުލުހުންނަށް ހުށައަޅާފައިވާކަމަށް ފުލުުހުން ބުނިކަމުގައިވެސް، މިހާތަނަށް ބެލިބެލުމުން، ޒަހަމްވި މީޙާއަށް ލިބިފައިވާ އަނިޔާތަކަކީ މީހަކު ދީފައިވާ ޙަމަލާއަކުން ލިބުނު ޒަޙަމްތަކެއް ނޫންކަން އެނގިފައިވާކަމަށް ފުލުހުން މިހާރު ބުނެއެވެ.
ޝޯޝަލް މީޑިއާގައި އާއްމުވި ބައެއް ފޮޓޯތަކުގައި، ޙާމަލާ ދިންކަމަށް ބުނާ ސަރަޙައްދުގައި، ލޭ ވަރަށްބޮޑަށް ހުއްޓެވެ. ފުލުހުން ވިދާޅުވީ އެ ޒުވާނާއަށް އަނިޔާވެފައިވަނީ އޭނާ ގެންގުޅުނު އެއްޗަކުން ލިބުނު ގެއްލުމަކުންކަން ހާމަވެފައިވާކަމަށެވެ.
މި ޙާދިސާ ހިނގީ މިއަދު ހެނދުނު 8:20ހާއިރުއެވެ. އެމީހާއަށް އޭޑީކޭ ހޮސްޕިޓަލްގައި އަންނަނީ ފަރުވާދެމުންނެވެ.
މައްސަލަ ފުލުހުން ދަނީ އިތުރަށް ތަޙުގީގުކުރަމުންނެވެ.