ކޯވިޑް ބަލީގައި އިތުރު މީހަކު ނިޔާވެ މިބަލީގައި ރާއްޖެއިން ނިޔާވި މީހުންގެ ޢަދަދު 222އަށް އަރައިފިއެވެ.
އެޗްޕީއޭއިން ވިދާޅުވީ މިއަދު ހެނދުނު 9:00 އެހާކަށްހާއިރު ފުވައްމުލައް ސިޓީގައި ނިޔާވި މީހަކު އެސިޓީގެ ހޮސްޕިޓަލަށް ގެންގޮސް މިހާރު އޮންނަ އުސޫލުގެ ދަށުން އެމީހާ ކޯވިޑަށް ކުރި ޓެސްޓު ޕޮޒިޓިވްވެފައިވާ ކަމަށެވެ. އެޗްޕީއޭއިން ވިދާޅުވީ މިބަލީގައި މިއަދު ނިޔާވެފައިވަނީ އުމުރުން 94 އަހަރުގެ ދިވެހި ފިރިހެނެއްކަމަށެވެ. މިއާއެކު މިބަލީގައި ރާއްޖެއިން ނިޔާވި މިހުންގެ އަދަދުވަނީ 222އަށް އަރާފައެވެ. މީގެ ތެރޭގައި ހިމެނެނީ 203 ދިވެހިންނާއި 19 ބިދޭސީންނެވެ.
Today (03/08/21) at 09:00 am a 94-year-old Maldivian male brought to Gn. Fuamulak Atoll Hospital was declared death
— Health Protection Agency (@HPA_MV) August 3, 2021
This is the 222nd COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven
ކޯވިޑް ބަލީގައި އެންމެ ފަހުން ރާއްޖޭގައި މީހަކު ނިޔާވެފައިވަނީ މިދިޔަ ބުރާސްފަތި ދުވަހުއެވެ.
ކޯވިޑް ޖެހޭ މީހުންގެ ޢަދަދު ރާއްޖޭގައި ދަށްވެފައިވާއިރު ގިނަ ދުވަސްތަކަކަށްފަހު ޕޮޒިޓިވްވީ މީހުންގެ ޢަދަދުވެސް ވަނީ 100އަށްވުރެ ދަށްވެފައެވެ. މިހާތަނަށް ހަތްދިހަ ހަތްހާހަށްވުރެ ގިނަ މީހުން މިބައްޔަށް ޕޮޒިޓިވްވެފައިވާއިރު ބަލިން އަރައިގަތުމަށް ރާއްޖޭގައިވަނީ މިވަގުތު ވެކްސިންގެ ބޮޑު ކެމްޕޭނެއްވެސް ފަށާފައެވެ. މިއާއެކު ބަލީގައި ފުރާނައަށް ނުރައްކާވާ ހިސާބަށްދާ މީހުންގެ ޢަދަދު މަދުވެގެންދާނެކަމަށް ކަމާ ބެހޭ ފަރާތްތަކުން ވިދާޅުވެއެވެ.