ކޯވިޑް-19އަށް ރާއްޖެއިން އަލަށް 768 މީހަކު ޕޮޒިޓިވްވެއްޖެއެވެ. އަދި ވޭތުވެދިޔަ 24 ގަޑިއިރު ތެރޭގައި މިބަލިން 834 މީހަކުވަނީ ރަނގަޅުވެފައެވެ.
ކޯވިޑް-19އާއި ގުޅޭގޮތުން އެޗްޕީއޭއިން އާއްމުކޮށްފައިވާ އެންމެ ފަހުގެ ތަފާސް ހިސާބުތަކުން ދައްކާގޮތުގައި ހޯމަ ދުވަހުގެ އިރުއޮއްސި 6އިން ފެށިގެން އަންގާރަ ދުވަހުގެ އިރުއޮއްސި 6 ޖެހުމާ ހަމައަށް 768 މީހަކުވަނީ ކޯވިޑަށް ޕޮޒިޓިވްވެފައެވެ.
މީގެ ތެރޭގައި ހިމެނެނީ މާލެ ސަރަޙައްދުން ޕޮޒިޓިވްވި 373 މީހަކާއި އަތޮޅުތެރޭގެ ރަށްރަށުން ޕޮޒިޓިވްވެފައިވާ 357 މީހަކާއި ރިސޯޓުތަކުން ޕޮޒިޓިވްވި 15 މީހަކާއި ސަފާރީތަކުން ޕޮޒިޓިވްވި 8 މީހެއްގެ އިތުރުން އަލަށް ހަދަމުން އަންނަ ރަށްރަށުން ޕޮޒިޓިވްވި 15 މީހުން ކަމަށް އެޗްޕީއޭއިން ވިދާޅުވެއެވެ. މިއާއެކު ބައްޔަށް ޕޮޒިޓިވްވި މީހުންގެ ޖުމްލަ އަދަދުވަނީ 65164އަށް އަރާފައެވެ.
✳️ COVID-19 : Case Updates pic.twitter.com/TC38zldVg4
— Health Protection Agency (@HPA_MV) June 1, 2021
މިބަލިން ވޭތުވެދިޔަ 24 ގަޑިއިރުގެތެރޭގައި ރަނގަޅުވި 834 މީހުންނާއެކު ބަލިން އެއްކޮށް ރަނގަޅުވީ މީހުންގެ ޢަދަދުވަނީ 40951އަށް އަރާފައެވެ.
ކޯވިޑްގައި މިއަދުގެ މިހާތަނަށް 8 މީހަކު ނިޔާވެފައިވާއިރު މިބަލީގައި ނިޔާވި މީހުންގެ ޖުމްލަވަނީ 169އަކަށް އަރާފައެވެ.
މީގެ ތެރޭގައި ހިމެނެނީ 153 ދިވެހިންނާއި 16 ބިދޭސީންނެވެ