އެކްސިޑެންޓްވި ދޯނީގެ ފޮޓޯއެއް-
ކަންނެލި ދޯއްޏަކާއި މުދާ އުފުލާ ދޯއްޏެއްޖެހި ހުޅުމާލެ ކައިރީގައި ހިނގި އެކްސިޑެންޓެއްގައި މީހަކަށް އަނިޔާވެއްޖެއެވެ.މިއަދު ހެނދުނު 08:10 ހާއިރު ހިނގި އެކްސިޑެންޓްގައި އަނިޔާވެފައިވަނީ މުދާ އުފުލާ ދޯނީގައި ހުރި މީހަކަށް ކަމަށް ފުލުހުން މައުލޫމާތުދެއެވެ.ފުލުހުން ބުނީ އޭނާގެ ބޯފަޅައިގެން ދިއުމުގެ ސަބަބުން ހުޅުމާލޭ ހޮސްޕިޓަލުގައި ފަރުވާދީފައިވާ ކަމަށެވެ.މި އެކްސިޑެންޓްގައި 2 ދޯއްޏަށްވެސް އެކިވަރުގެ ގެއްލުންތައް ވެފައިވެއެވެ. އަދި ލިބުނު ގެއްލުންތަކުގެ ސަބަބުން މުދާއުފުލާދޯނި ދިޔަވެ އަޑިއަށްދާތީ މިހާރުވަނީ ހުޅުމާލެ ކަނޑިންމަ ކައިރިން ނެރުމައްޗަށް ބީއްސާލާފަކަމަށްވެސް ފުލުހުން މައުލޫމާތުދެއެވެ.މި އެކްސިޑެންޓްގެ މައްސަލަ މެރިން ޕޮލިސް އިން ދަނީ ތަޙުޤީޤު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ