ޚަބަރު

ކޯވިޑް19 : ޢަދަދުތައް ދަށެއް ނުވޭ، އިތުރު 51މީހުން ޕޮޒިޓިވް


ރާއްޖެއިން އިތުރު 51 މީހުން ކޯވިޑް-19އަށް ޕޮޒިޓިވްވެއްޖެއެވެ. މިއަހަރު ފެށުނުފަހުން ކޯވިޑް-19އަށް ޕޮޒިޓިވްވާ މީހުންގެ ޢަދަދުތައް އިތުރުވަމުންދާކަން ފާހަގަކުރެވެއެވެ. ފާއިތުވި 24 ގަޑިއރުގެ ތެރޭގައި 49 މީހުން ކޯވިޑް-19އިން ރަނގަޅުވެފައިވެއެވެ.

ހޯމަދުވަހުގެ 18:00އިން ފެށިގެން އަންގާރަދުވަހުގެ 18:00އާހަމައަށް ރާއްޖެއިން އަލަށް ކޯވިޑް-19އަށް ޕޮޒިޓިވްވި 51 މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 32 މީހުންނާއި އަތޮޅުތަކުން ޕޮޒިޓިވްވި 2 މީހުންނާއި ރިސޯޓްތަކުން ޕޮޒިޓިވްވި 17 މީހެކެވެ. މިއާއެކު ރާއްޖެއިން މިބަލި ޖެހުނު މީހުންގެ ޖުމްލަ ޢަދަދު ވަނީ 14633 އަށް އަރާފައެވެ.

ވޭތުވެދިޔަ 24ގަޑިއިރުގެ ތެރޭގައި ބަލިން ރަނގަޅުވެފައިވާ މީހުންގެ އަދަކީ 49އެވެ. މިއާއިއެކު މިހާތަނަށް ރާއްޖޭގައި ކޯވިޑް19ޖެހުނު މީހުންގެ ތެރެއިން 13،615އަށްވަނީ އަރާފައެވެ.

މިއަހަރު ފެށުނުފަހުން ގިނަ އަދަދެއްގެ ބަޔަކު އަނެއްކާވެސް ބައްޔަށް ޕޮޒިޓިވްވަމުން އަންނައިރު، ހޮސްޕިޓަލްގައި އެޑްމިޓްކޮށްގެން ފަރުވާދޭ މީހުންގެ ޢަދަދުވެސް ދަނީ މަޑުމަޑުން މައްޗަށް ޖެހެމުންނެވެ. އެގޮތުން މިވަގުތުވެސް ހޮސްޕިޓަލްގައި އެޑްމިޓްކޮށްގެން 73 މީހުންނަށް އަންނަނީ ފަރުވާދެމުންނެވެ. މިވަގުތު ބައްޔަށް ޕޮޒިޓިވްވެފައިވާ ތިބި މީހުންގެ ޢަދަދަކީ 962އެވެ.

ކޯވިޑް-19އަށް ޓެސްޓްކުރުމަށް ފާއިތުވި 24 ގަޑިއިރުގެ ތެރޭގައި ނަގާފައިވާ 3168 ސާމްޕަލާއެކު މިހާތަނަށް ނެގި ސާމްޕަލްތަކުގެ ޢަދަދު 370،938އަށް ވަނީ އަރާފައެވެ. މިބަލީގައި ރާއްޖެއިން މިހާތަނަށް ނިޔާވެފައިވަނީ 49 މީހެކެވެ. އެއީ 41 ދިވެހިންނާއި 8 ބިދޭސީންނެވެ.