ރައްޔިތުންގެ މަޖިލިސް ޖަލްސާއެއްގެ ތެރެއިން - ފޮޓޯ: ރައްޔިތުންގެ މަޖިލިސް
ޓެކްސް އެޕީލް ޓްރައިބިއުނަލްގެ މެންބަރުކަމަށް އައްޔަންކުރުމަށް ފަސް ބޭފުޅެއްގެ ނަން ރައްޔިތުންގެ މަޖިލީހުން ފާސްކޮށްފިއެވެ.
ޓެކްސް އެޕީލް ޓްރައިބިއުނަލްގެ މެންބަރުކަމަށް ކުރިމަތިލުމަށް ރައީސުލްޖުމްހޫރިއްޔާގެ އޮފީހުން ހުޅުވާލުމުން 9 ބޭފުޅަކު ވަނީ ޝަޢުގުވެރިކަން ފާޅުކޮށް އެމަޤާމަށް ކުރިމަތިލައްވާފައެވެ.
ޓެކްސް އެޕީލް ޓްރައިބިއުނަލްގައި މިހާރު ތިއްބެވި ފަސް މެންބަރުންގެ ދައުރު މިމަހުގެ 28ވަނަ ދުވަހުގެ ނިޔަލަށް ހަމަވާނެއެވެ.
އެ ޓްރައިބިއުނަލްއަށް އައްޔަންކުރުމަށް މަޖިލީހުން ފާސްކޮށްފައިވާ 5 ނަންފުޅަކީ
- 1- ޙުސައިން ޒައިދާން ޖަލީލް/ މ.ފާމުދޭރިގެ
- 2- އަލްއުސްތާޛާ ފާޠިމަތު މިންހަތު ޢިއްޒަތު/ ގ.ގޮފި
- 3- އަލްއުސްތާޛް މުޙައްމަދު މުނައްވަރު ޢަލީ/ ވެސްޓްބީޗް/ އއ.މަތިވެރި
- 4- އިސްމާޢީލް ސާޖިދު/ މއ.ވިލާރޮދި
- 5- އަލްއުސްތާޛް އަޙްމަދު އަޝްރަފް/ ދަފްތަރު ރސ 4883
5 މެންބަރުންގެ މައްޗަށް އެކުލެވިގެންވާ ޓެކްސް އެޕީލް ޓްރައިބިއުނަލަކީ ޓެކްސްއާ ގުޅޭ މައްސަލަތައް ބެލުމަށް، ޓެކްސް ނެގުމާބެހޭ އިދާރީ ޤާނޫނުގެ ދަށުން އުފައްދާފައިވާ މުއައްސަސާއެކެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ