ގއ. ދާންދޫ / ފޮޓޯ: ދާންދޫ ކައުންސިލް
ގއ. ދާންދޫގައި ހިނގި މާރާމާރީއާއި ގުޅިގެން 9 މީހަކު ހައްޔަރުކޮށްފިއެވެ.
ދާންދޫގައި ބުރާސްފަތި ދުވަހުގެ ރޭ ހިނގި މާރާމާރީއާއި ގުޅިގެން 9 މީހުން ހައްޔަރުކޮށްފައި ވަނީ ކޯޓު އަމުރެއްގެ ދަށުންނެވެ.
ފުލުހުން ވިދާޅުވީ، ދާންދޫގައި ދެބައެއްގެ ދެމެދުގައި ހިނގި މާރާމާރީގެ މަޢުލޫމާތު ލިބިފައި ވަނީ ބުރާސްފަތި ދުވަހުގެ ރޭ 23:25 ހާއިރުކަމަށެވެ. އަދި މި މާރާމާރީގައި 3 މީހަކަށް އަނިޔާވެފައިވާކަމަށެވެ. އޭގެތެރެއިން އެކަކަށް އެއަތޮޅު ވިލިނގިލި ހޮސްޕިޓަލުގައި ފަރުވާދެމުން އަންނަކަމަށް ފުލުހުން ވިދާޅުވެފައިވެއެވެ.
މަޢުލޫމާތު ލިބިފައިވާގޮތުގައި އޭނާގެ ހާލު ގޯހެވެ.
ފުލުހުން އަންނަނީ މިމާރާމާރީ ތަޙުޤީޤު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ