ބ.އަތޮޅުގައި ހޯމް ކަރަންޓީންގައި ހުރި ފަރާތެއްގެ ސާމްޕަލް ނަގަނީ. ފޮޓޯ ޕީއެސްއެމް ނިއުސް
ކޯވިޑް 19 އާ ގުޅިގެން މާލެއިން ބ.އަތޮޅަށް ގޮސް ހޯމް ކަރަންޓީންގައި ތިބި މީހުންގެ ތެރެއިން 79 ފަރާތެއްގެ ސާމްޕަލް ނެގެޓިވް ކަމަށް ބ.އަތޮޅު ހޮސްޕިޓަލުން ބުނެފިއެވެ. މިހާތަނަށް ހޯމް ކަރަންޓީނަށް 115 ފަރާތެއް ބ.އަތޮޅަށްވަނީ ގެނަސްފައެވެ.
މީގެތެރެއިން 79 މީހުން ނެގެންޓިވްވުމުން އެމީހުން މިހާރުވަނީ ދޫކޮށްލާފައެވެ.
ބ.އަތޮޅުގައި ހޯމް ކަރަންޓީންގައި ހުރި ފަރާތެއްގެ ސާމްޕަލް ނަގަނީ. ފޮޓޯ ޕީއެސްއެމް ނިއުސް
މިހާރު ބާކީތިބި 36 މީހުންގެތެރެއިން މިއަދުވެސް ވަނީ ސާމްޕަލްތަކެއް ނަގާފައެވެ. އެއީ އޭދަފުށިން 2 ސާމްޕަލް ފެހެންދޫއިން 1 ސާމްޕަލް، ހިތާދޫން 3 ސާމްޕަލްއެވެ.
މިސާމްޕަލްތައް ޓެސްޓްކުރަނީ މާލެއިންނެވެ. ބ.އަތޮޅު ހޮސްޕިޓަލުގައި ގާއިމްކޮށްފައިވާ ކޯވިޑް މަރުކަޒުން ޓެސްޓް ހެދުމަށް ތައްޔާރުވަމުންދާއިރު، ޓެސްޓް ހަދަން ފެށޭނީ މިކަމަށް މީހަކު ތަމްރީންކުރުމަށްފަހުގައި ކަމަށް ބ.އަތޮޅު ހޮސްޕިޓަލުން މަޢުލޫމާތުދެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ