ހދ. ނޮޅިވަރަމުގައި ފެނުގެ ނިޒާމު ޤާއިމުކުރުމުގެ ޢަމަލީ މަސައްކަތް ފަށައިފިއެވެ.
ނޮޅިވަރަމުގައި ފެނުގެ ނިޒާމު ޤާއިމުކުރުމުގެ މަޝްރޫޢުއަކީ ސަރުކާރުން 25 މިލިއަނަށްވުރެ ގިނަ ރުފިޔާ ޚަރަދުކޮށްގެން ކުރިއަށްގެންދާ މަޝްރޫޢުއެކެވެ.
މިއީ ޑިޒައިން އެންޑް ބިލްޑް އުސޫލުން ކުރިއަށްގެންދާ މަޝްރޫއެކެވެ. މި މަސައްކަތް ކުރިއަށްގެންދަނީ އަޒްރޯވާ މޯލްޑިވްސް ޕްރައިވެޓް ލިމިޓެޑާއި ހަވާލުކޮށްގެންނެވެ.
މި ޕްރޮޖެކްޓްގެ ދަށުން ފެން ޕްލާންޓާއި، ފެންރައްކާކުރެވޭނެ ނިޒާމެއް ޤާއިމު ކުރާނެއެވެ. އަދި ގޭގޭގެ ފެނުގެ ނިޒާމު އެއް ވިއުގައަކުން ގުޅާލާނެއެވެ.
ހދ.ނޮޅީވަރަމަކީ އާބާދީގައި 3000 އެއްހާ މީހުން ދިރިއުޅެމުން އަންނަ ރަށެކެވެ.
2020ވަނަ އަހަރު ޕީއެސްއައިޕީގެ ތިންވަނައަށް އެންމެ ބޮޑު ބަޖެޓެއްވެސް ކަނޑައަޅާފައިވަނީ ރަށްރަށުގައި ފެނާއި ނަރުދަމާގެ މަޝްރޫޢު ހިންގުމަށެވެ.
ފެނާއި ނަރުދަމާގެ މަޝްރޫޢުތަކަށް 1.2 ބިލިއަން ރުފިޔާ ބަޖެޓުގައި ހިމަނާފައިވެއެވެ.