މަރާމާތަށް އައިޖީއެމްއެޗާއި ދަރުމަވަންތަ ހިމެނޭ ސަަރަހައްދު ބަންދުކޮށްފި

ބޮޑުތަކުރުފާނު މަގު މަރާމާތުކުރުމަށް އައިޖީއެމްއެޗާއި ދަރުމަވަންތަ ހޮސްޕިޓަލު ހިމެނޭ ސަަރަޙައްދު ބަންދުކޮށްފިއެވެ.

ބޮޑުތަކުރުފާނުމަގުގެ މަރާމާތުކުރުމުގެ މަސައްކަތުގެ ތެރެއިން އައިޖީއެމްއެޗް އަދި ދަރުމަވަންތަ ހޮސްޕިޓަލު ހިމެނޭ ސަރަހައްދުގެ މަސައްކަތް މާދަމާ ފެށުމަށް ވަނީ ހަމަޖެހިފައެވެ.

ފުލުހުންގެ ޚިދުމަތުން ވިދާޅުވީ މާދަމާ އެސަރަޙައްދު މަރާމާތުކުރަން ހަމަޖެހިފައިވާތީ މިރޭ ދަންވަރު 00:00 އިން ފެށިގެން، އެ ސަރަހައްދުގެ ޓްރެފިކް ފްލޯއަށް ބަދަލު ގެނެސް އާންމު ދަތުރުފަތުރަށް މަގު ބަންދުކުރެވޭނެ ކަމަށެވެ.

ފުލުހުން އާންމުކޮށްފައިވާ ޗާޓުގައިވާ ގޮތުން ދަރުމަވަންތަ ހޮސްޕިޓަލުން ފެށިގެ އައިޖީއެމްއެޗާ ހަމައަށް މަގު ހެދުމަށް ބޮޑުތަކުރު ފާނު މަގު ތާޖުއްދީން ހިނގުމާއި އަމީނީ މަގާ ދެމެދު މިރެއިން ފެށިގެން ބަންދުކުރާނެއެވެ.

ބޮޑުތަކުރުފާނުމަގުގެ މަރާމާތް ކުރުމުގެ މަސައްކަތުގެ ތެރެއިން އައިޖީއެމްއެޗް އަދި ދަރުމަވަންތަ ހޮސްޕިޓަލް ހިމެނޭ ސަރަހައްދުގެ މަސައްކަތް 2026 އޮކްޓޫބަރު 5 ވަނަ ދުވަހު ފެށުމަށް ހަމަޖެހިފައިވާތީ، 2026 އޮކްޓޫބަރު 4 ވަނަ ދުވަހުގެ ރޭ 00:00 އިން ފެށިގެން، އެ ސަރަހައްދުގެ ޓްރެފިކް ފްލޯއަށް ޗާޓުގައިވާ ގޮތަށް ބަދަލު ގެނެވި، އާންމު ދަތުރުފަތުރަށް ބަންދުކުރެވޭނެ ވާހަކަ ދަންނަވަމެވެ. އަދި މި ސަރަހައްދުގައި ޕާކުކޮށްފައިވާ އުޅަނދުތައް، މަތީގައި ބަޔާންކޮށްފައިވާ ވަގުތުގެ ކުރިން އެ ސަރަހައްދުން ނެންގެވުމަށް ދަންނަވަމެވެ.

މިފަދަ ކަންކަމުގައި އާންމު ރައްޔިތުންގެ ފަރާތުން ލިބޭ އެއްބާރުލުމަށް މި ފުރުސަތުގައި ޝުކުރު ދަންނަވަމެވެ. އަދި މި ބަދަލުގެ ސަބަބުން އާންމު ރައްޔިތުންނަށް ދިމާވެދާނެ ދަތިތަކަށްޓަކައި މައާފަށް އެދެމެވެ.

— Maldives Police (@PoliceMv) October 4, 2026

މިފަދަ ކަންކަމުގައި އާންމު ރައްޔިތުންގެ ފަރާތުން ލިބޭ އެއްބާރުލުމަށް ފުލުހުން ވަނީ ޝުކުރު ދަންނަވާފައެވެ. އަދި މި ބަދަލުގެ ސަބަބުން އާންމު ރައްޔިތުންނަށް ދިމާވެދާނެ ދަތިތަކަށްޓަކައި ވަނީ މައާފަށް އެދިފައެވެ.