ބާ ކައުންސިލުގެ މެންބަރުކަމުން އަލްއުސްތާޛާ އައިޝާ ޝުޖޫން މުޙައްމަދު އިސްތިއުފާ ދެއްވައިފިއެވެ.
ޝުޖޫން އެ މަޤާމުން އިސްތިއުފާދެއްވީ ސުޕްރީމް ކޯޓުގެ ފަނޑިޔާރު ކަމަށް އާނާ އައްޔަން ކުރަން ރައްޔިތުންގެ މަޖިލީހުން ރުހުންދިނުމާއި ގުޅިގެންނެވެ.
ރާއްޖޭގައި އުފެއްދި ފުރަތަމަ ބާ ކައުންސިލްގެ އެގްޒެކެޓިވް ކޮމެޓީގައި ހިމެނިވަޑައިގެންނެވި ޝުޖޫން އިސްތިއުފާ ދެއްވިކަން ހާމަކުރައްވާ ބާ ކައުންސިލުން ކުރި ޓްވީޓެއްގައި ބުނެފައިވަނީ ބާ ކައުންސިލްގެ އެގްޒެކެޓިވް ކޮމެޓީ އިން ޝުޖޫން އިސްތިއުފާ ދެއްވާފައިވާ ކަމަށާއި ބާ ކައުންސިލްގެ އެގްޒެކެޓިވް ކޮމެޓީގައި އިންނަވާ ޝުޖޫން ކޮށްދެއްވި މަސައްކަތްތައް ފާހަގަކޮށް ޝުކުރު އަދާކުރާ ކަމަށެވެ.
ބާ ކައުންސިލްގެ މެމްބަރަކަށް ޝުޖޫން އިންތިޚާބުވެވަޑައިގެންނެވީ މިދިޔަ ޖުލައި މަހުގެތެރޭގައި ބޭއްވި އިންތިހާބު ކާމިޔާބުކުރައްވައިގެންނެވެ. ބާ ކައުންސިލް އުފެދުނީ އަލަށް އެކުލަވާލި ޤާނޫނީ ފަންނުގެ ޤާނޫނުގެ ދަށުންނެވެ.
ޝުޖުން ވަނީ މީގެ ކުރިން ސިވިލް ކޯޓުގެ ފަޑިޔާރުކަން ވެސް ކުރައްވާފައެވެ. 2014 ގައި ސިވިލް ކޯޓުން އިސްތިއުފާދެއްވިއިރު، އެކަމަނާ އަކީ ރާއްޖޭގައި ފަނޑިޔާރުކަން ކުރުމުގެ ފުުރުޞަތު އެންމެ ފުރަތަމަ ލިބިވަޑައިގަތް އަންހެން ދެ ބޭފުޅުންގެ ތެރެއިން އެއް ބޭފުޅާއެވެ.