ލޯންޗު ބަންޑުންޖަހާލައި ނިޔާވި މީހުންގެ އާއިލާއަށް ރައީސުލްޖުމްހޫރިއްޔާ ތައުޒިޔާ ވިދާޅުވެއްޖެ
ހދ.ނޮޅިވަރަންފަރުން ފުރައިގެން ހދ.ހަނިމާދުއަށް ދަތުރުކުރި ލޯންޗު ބަންޑުންޖަހާލައި ނިޔާވި މީހުންގެ އާއިލާއަށް ރައީސުލްޖުމްހޫރިއްޔާ ތައުޒިޔާ ވިދާޅުވެއްޖެއެވެ.
ލޯންޗް ބަންޑުން ޖަހާލައި ނިޔާވި 5 މީހުންގެ އާއިލާއަށް ތައުޒިޔާ ވިދާޅުވެ ރައީސުލްޖުމްހޫރިއްޔާ ކުރައްވާފައިވާ ޓްވީޓްގައި ވިދާޅުވީ މި ޙަބަރު އެމަނިކުފާނު އެހީ ފުންހިތާމަޔާއި އެކުގައިކަމަށެވެ. މާތްﷲ މަރުޙޫމުންނަށް ސުވަރުގޭގެ ދާއިމީ ނިޢުމަތް މިންވަރު ކުރައްވައި ޢާއިލާތަކަށް ކެތްތެރިކަން ދެއްވުން އެދި އެމަނިކުފާނުގެ ޓްވީޓްގައި ދުޢާކުރައްވާފައިވެއެވެ.
ރައީސުލްޖުމްހޫރިއްޔަގެ ނައިބްވެސް ވަނީ މި ހާދިސާގައި ނިޔާވި ފަރާތަކަށް ތައުޒީޔާ ވިދާޅުވެފައެވެ. އެމަނިކުފާނުގެ ތައިޒިޔާގެ މެސެޖުގައި ވަނީ މި ހިތާމަވެރި ހާދިސާ އަޑުއެއްސެވީ ފުންހިތާމައާއިއެކުގައި ކަމަށާއި، އާއިލާއަށް ކެތްތެރިކަން ދެއްވުމަށް ދުއާކުރައްވާފައިވެއެވެ.