އިންސްޓްޓިއުޓް އޮފް އިލެކްޓްރިކަލް އެންޑް އިލެކްޓްރޯނިކްސް އިންޖިނިއާސްއިން އއ.އުކުޅަހުގައި ބާއްވާ ސައިންސްވެރިންގެ ބައިނަލްއަގުވާމީ މަހާސިންތާ އާއި އުގައިލް ފައުންޑޭޝަނުން ބާއްވާ ޓެކްފެއާ މިއަދު ފަށައިފިއެވެ.
އުކުޅަސް ކޮންވެންޝަން ސެންޓަރުގައި މި ފެއަރ ފެށުމުގެ ގޮތުން ބޭއްވި ރަސްމިއްޔާތު ޝަރަފްވެރި ކޮށްދެއްވާފައިވަނީ ޚާރިޖީ ވަޒީރު ޢަބްދުއްﷲ ޝާހިދެވެ. އެމަނިކުފާނުގެ އިތުރުން މިނިސްޓަރ މަޚުލޫފް މިނިސްޓަރ މަލީހު ގެއިތުރުން އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ސަންޖޭ ސުދީރުވަނީ ބައިވެރިވެ ވަޑައިގެންފައެވެ.
މިރަސްމިއްޔާތުގައި ވާހަކަ ދައްކަވަމުން ފެއަރ އިންތިޒާމުކުރާ ފަރާތުގެ ގޮތުން އުގައިލް ފައުންޑޭޝަންގެ ފަރާތުން ވާހަކަފުޅުދައްކަވަމުން ޕްރޮފރސަރ އުގައިލް ވިދާޅުވީ ފުއްނާބުއުސް ސައިންސްވެރިން އެއްތަނަކަށް އެއްކޮށް ބޮޑު މަހާސިންތާއެއް ބޭއްވުމަށް ބޭނުންވާނީ ކެރޭ ރައްޔިތުންނާ އެއްބާރުލުން ދޭނެ ސަރުކާރެއްކަމަށެވެ. އެގޮތުން ސަރުކާރާއި އުކުޅަހު ރައްޔިތުންގެ އެއްބާރުލުން އުގައިލް ފާހަގަކުރެއްވިއެވެ. މިއދުގެ ފެށި މަހާސިންތާގައި ފަންސާހަށްވުރެ ގިނަަ ސައިންޓިސްޓުންނާއި ޢިލްމުވެރިން ބައިވެރިވިއެވެ.
އުކުޅަސް ޓެކް ފެއާރ ގައި އުރީދޫ، ދަމާސް، ވެމްކޯގެ އިތުރުން ސަރުކާރުގެ ވުޒާާރާތަކުގެ ތެރެއިން މިނިސްޓްރީ އޮފް ޓޫރިޒަމް، މިނިސްޓްރީ އޮފް ކޮމިއުނިކޭޝަން، ސައިނސް އެންޑް ޓެކްނޮލޮޖީ، މިނިސްޓްރީ އޮފް ޔޫތް، ސްޕޯޓްސް އެންޑް ކޮމިއުނިޓީ އެމްޕަވަރމެންޓް، މިނިސްޓްރީ އޮފް ހައުސިންގް އެންޑް އިންފްރާސްޓްރަކްޗަރ، މިނިސްޓްރީ އޮފް ހެލްތް އަދި ހައުސިންގް ޑިވެލޮޕްމެންޓް ކޯޕަރޭޝަން، އާއި މިނޫންވެސް އިދާރާތައް ފެއަރގައި ބައިވެރިވެއެވެ.
އަދި އެ ފަރާތްތަކުގެ އައު އީޖާދުތައް ދައްކާލުމުގެ ގޮތުން ގިނަ ސްޓޯލްތަކެއް ވަނީ ކޮންވެންޝަން ސެންޓރުގައި ބެހެއްޓިފައެވެ.