މިއަހަރު ރާއްޖެއިން ޙައްޖަށް މީހުން ގެންދިޔައިރު ބިދޭސީން ގެންގޮސްފައިވަނީ ޤަވާޢިދާ އެއްގޮތަށްކަމަށް އިސްލާމިކް މިނިސްޓްރީން ވިދާޅުވެއްޖެއެވެ.
މިއަހަރު ރާއްޖެއިން މީހުން ހައްޖަށް ގެންދިޔުމަށް ލިބުނު ކޯޓާގައި ރާއްޖެއިން ބޭރު ބަޔަކު ޙައްޖަށް ގެންދިޔަކަމަށް ބުނެ ސޯޝަލް މީޑިއާގައި ދަނީ ފާޑުކިޔަމުންނެވެ. ސޯޝަލް މީޑިއާގައި އިންޑިއާގެ ދެ މީހެއް ހައްޖަށް ގެންދިޔަކަމުގެ ފޮޓޯތަކެއް ދަނީ ދައުރުވަމުންނެވެ. މިކަމާ ގުޅޭގޮތުން ޕީއެސްއެމް ނިއުސްއަށް މަޢުލޫމާތު ދެއްވަމުން އިސްލާމިކް މިނިސްޓްރީން ވިދާޅުވީ ބިދޭސީން ޙައްޖަށް ގެންގޮސްފައިވަނީ ޤަވައިދާ އެއްގޮތަށްކަމަށެވެ.
މިގޮތުން މިމީހުންގެ ތެރެއިން ހައްޖަށްދިޔަ އެކަކީ މަލީޝާ ޖަމާޢަތުން ޙައްޖަށް ގެންދާނެކަމަށް ބުނެ އޮޅުވާލައިގެން ފައިސާ ނެގުމަށްފަހު ޙައްޖަށް ގެންގޮސްފައި ނުވާމީހެއްކަމަށެވެ. އަދި އެމީހާ ޙައްޖަށް ފޮނުވާފައިވަނީ މަލީޝާ ޖަމާޢަތަށް ފައިސާ ދެއްކުމަށްފަހު ހައްޖަށް ގެންގޮސްފައިނުވާ އަދި މިހާތަނަށް ހައްޖަށް ގޮސްފައިނުވާ މީހުން މިއަހަރު ހައްޖަށް ގެންދިޔުމަށް ރައީސުލް ޖުމްހޫރިއްޔާ ނިންމެވުމާ ގުޅިގެން ކަމަށެވެ.
އިސްލާމިކް މިނިސްޓްރީން ވިދާޅުވީ ބިދޭސީންގެ ތެރެއިން ދެން މިއަހަރު ހައްޖަށް ގޮށްފައިވާ މީހުންނަކީ ދިވެހިންނާ ކައިވެނިކޮށްގެން އުޅޭ މީހުންގެ ތެރެއިން އޮންނަ އުސޫލެއްގެ ތެރެއިން ގުރޫޕުތަކުން ޖާގަ ހޯދައިގެން ގޮސްފައިވާ މީހުންކަމަށެވެ.
މިއަހަރު ރާއްޖެއިން މީހުން ހައްޖަށް ގެންދިޔުމަށް ލިބުނު ދެހާސް ކޯޓަގައި މީހުން ހާއްޖަށްދިޔައެވެ. އަދި މީގެ ތެރޭގައި މަލީޝާ ޖަމާއަތުން 1431ވަނަ އަހަރު ހައްޖަށް ގެންގޮސްދޭނެކަމަށްބުނެ މަކަރާއި ޙީލަތުން ފައިސާ އަތުލިމީހުގެ ތެރެއިން 32 މީހަކު މިއަހަރު ސަރުކާރުންވަނީ ހައްޖަށް ފޮނުވާފައެވެ.