އެއް އަނތްބަށްވުރެ ގިނައަނބިންނާ ކައިވެނިކުރަން އެދޭ ފިރިހެން މީހާ އިނދެގެން އުޅޭ އަނބިންގެ ބަޔާން ކޯޓުން ނަގަން ޖެހޭނެ ކަމަށް ސުޕްރީމް ކޯޓުން ކަނޑައަޅައިފިއެވެ.
އެއް އަނތްބަށް ވުރެ ގިނަ އަނބިންނާ ކައިވެނިކުރަން އެދޭ ފިރިހެންމީހާ އިނދެގެން އުޅޭ އަނބިމިހާގެ ބަޔާން މީގެކުރިންވެސް ބައެއް ކޯޓުތަކުން ނަގަމުން ގޮސްފައިވެއެވެ. ނަމަވެސް ސުޕްރީމް ކޯޓުން މިއަދު ނެރުނު ސާކިއުލާގައި ބުނެފައިވަނީ އެގޮތައް ކަނޑައެޅީ ޢާއިލާއާބެހޭ ޤަވާޢިދުގެ 19ވަނަ މާއްދާގެ (ހ)ގެ ދަށުން އެއް އަނތްބަށްވުރެ ގިނަ އަނބިންނާ ކައިވެނިކުރާ މީހަކީ އަނބިންނަށް ޚަރަދުކުރަމުންދާ މީހެއްތޯ ސާފުކުރުމަށް އިނދެގެންއުޅޭ އަނބިމީހާގެ ބަޔާން ނެގުމެއްނެތި ކައިވެނި ކޮށްދެމުންދާކަން މިހާރަކަށް އައިސް ފާހަގަ ކުރެވެމުންދާތީކަމަށެވެ.
ސުޕްރީމް ކޯޓުން އެސާކިއުލާގައި ބަޔާން ކުރައްވާފައިވާގޮތުގައި އެއް އަނތްބަށްވުރެ ގިނަ އަނބިންނާ ކައިވެނިކުރަން އެދޭ މީހުން އިނދެގެން އުޅޭ އަނބިންގެ ބަޔާން މިހާރަކަށް އައިސް ބައެއް ކޯޓުތަކުން ނުނަގަނީ ކޯޓުގައި ޚަރަދުގެ ރެކޯޑެއް ނެތްނަމަ އެއީ އަނބމީހާއަށް ހަރަދުކުރާ މީހެއްކަމަށް ބަލައިގެންނެވެ.
ނަމަވެސް އެއް އަނތްބަށްވުރެ ގިނަ މީހުންނާ ކައިވެނިކުރަން އެދޭ މީހާ އިނދެގެންއުޅޭ އަނބިންގެ ބަޔާން ނަގަން ޖެހޭނެކަމަށް ކަނޑައެޅުއްވީ ފިރިހެން މީހާއަކީ އިނދެގެންއުޅޭ އަނބިދަރިންނަށް ޚަރަދުކުރާ މީހެއްކަން ކަށަވަރުކުރުމުގެ ގޮތުންނެވެ.