ލ. ކައްދޫން ފޮނަދޫ އަށް ދުއްވާފައި ދިޔަ ކާރެއް ކޯޒްވޭގެ ފާރުގައި ޖެހި ފުރޮޅާލއިފިއެވެ.
ފުލުހުން ބުނީ މިއަދު ހެނދުނު 6:25 ކަންހާއިރު ހިނގި މިހާދިސާގައި އެއްވެސް މީހަކަށް ގެއްލުމެއް ލިބިފައިނުވާކަމަށެވެ. އަދި މި ހާދިސާ ހިނގިއިރު ކާރުގައި ދެ މީހުންތިބި ކަމަށެވެ.
މި އެކްސިޑެންޓް ހިނގައިފައިވަނީ ލ ފޮނަދޫ އަށް އުތުރުން ދެކުނަށް ދުއްވާފައި ދަނިކޮށް ކޯޒްވޭގެ އިރުމަތީ ފަރާތުގައި ހުންނަ ބްލޮކްސް ތަކުގައި ޖެހިގެންކަމަށް ފުލުހުން ބުނެއެވެ.
މި އެކްސިޑެންޓްގައި ކާރު ފުރޮޅާލާ ކަހާލައިގެން 300 ފޫޓް ދުރަށް ގޮސްފައިވާކަމަށް ފުލުހުން ބުނެއެވެ. ޢެކްސިޑެންޓް ވި ކާރު ދުއްވަން އިނީ 25 އަހަރުގެ ޒުވާނެއްކަމަށާއި އޭނާ އަތުގައި ލައިސަންސް އޮތްކަމަމަށް ފުލުހުން ބުނެއެވެ.
މި އެކްސިޑެންޓްގައި ކާރަށް ބޮޑެތި ގެއްލުންތަކެއް ލިބިފައިވާއިރު ލިންކް ރޯޑްގެ 5 ބްލޮކް ނެއްޓި 3 ބްލޮކް މޫދަށް ވެއްޓިފައިވާކަމަށްވެސް ފުލުހުން ބުނެއެވެ.