އައްޑޫސިޓީ ހިތަދޫ ރީޖަނަލް ހޮސްޕިޓަލްގެ އެކްސްރޭ މެޝިން ހަލާކުވެ، އެކްސްރޭ ނެގުމުގެ ޚިދުމަތް މެދު ކެނޑިފަ އޮތުމަށްފަހު، އެކްސްރޭ މެޝިން މަރާމާތު ކޮށް އަލުން ޚިދުމަތް ދޭންފަށައިފިއެވެ.
ހިތަދޫ ރީޖަނަލް ހޮސްޕިޓަލް (އެޗް.އާރު.އެޗް)ގެ އެކްސްރޭ މެޝިން މައްސަލަ ޖެހި އެކްސްރޭގެ ޚިދުމަތް މެދު ކެނޑުނީ މިދިޔަ ޖޫން މަހުގެ 12 ވަނަ ދުވަހު ކަމަށް ހޮސްޕިޓަލުން ބުނެއެވެ. އަދި މީސްމީޑިއާގައި ޙިދުމަތް މެދުކެނޑިފައިވާތާ ދެ ތިން މަސް ވެފައިވާ ކަމަށް ދެކެވޭ ވާހަކަ ހޮސްޕިޓަލުން ވަނީ ދޮގުކޮއްފައެވެ.
އެޗްއާރުއެޗް ހިންގުމާ ޙަވާލުވެ ހުންނެވި ސީނިއަރ ކޮމިއުނިޓީ ހެލްތު އޮފިސަރ މުޙައްމަދު ނަޖީބު ވިދާޅުވީ އެކްސްރޭ މެޝިނަށް ދިމާވި މައްސަލަ ޙައްލު ކުރުމަށް ގިނަ ދުވަސް ތަކެއް ނެގީ، މެޝިން މަރާމާތު ކުރުމަށް ބޭނުންވާ ސާމާނު ރާއްޖެއިން ބޭރުން ގެންނަން ޖެހުމުން ކަމަށެވެ. އަދި މިހާރު މެޝިން މަރާމާތު ކުރުމަށް ފަހު ޚިދުމަތް ދޭން ފަށާފައިވާ ކަމަށް ހޮސްޕިޓަލުން ވަނީ ބުނެފައެވެ.