ހުޅުމާލޭގައި ރޭ ހިނގި އެކްސިޑެންޓްގައި އަނިޔާވި އަންހެން ކުއްޖާ އަދިވެސް ހޭނާރާ ކަމަށް ފުލުހުން ވިދާޅުވެއްޖެއެވެ.
ފުލުހުންގެ މީޑިއާ އޮފިޝަލް ވިދާޅުވީ، ހުޅުމާލޭގައި ރޭ ހިނގި އެކްސިޑެންޓުގައި އަނިޔާވި ކުއްޖާއަށް އޭޑިކޭ ހޮސްޕިޓަލުގެ އައިސީޔޫގައި ފަރުވާދެމުންދާކަމަށާ، މި ހާދިސާގައި އެކުއްޖާގެ ސިކުނޑިއަށް ލޭ އެޅިފައިވާ ކަމަށެވެ. ޕީއެސްއެމް ނިއުސްއަށް މަޢުލޫމާތުދެއްވަމުން ފުލުހުންގެ މީޑިއާ އޮފިޝަލަކު ވިދާޅުވީ މި އެކްސިޑެންޓް ހިނގަން މެދުވެރީ، ހުޅުމާލޭ އެމްޕީއެލް ސަރަހައްދުން ދުއްވާފައި އައި ސައިކަލެއް ކޮންޓްރޯލުން ނެއްޓިގެން ކަމަށެވެ. މި އެކްސިޑެންޓްގައި ސީރިއަސް އަނިޔާތަކެއް ވީ އެކްސިޑެންޓްވި ސައިކަލުގެ ފަހަތުގައި އިން އަންހެން ކުއްޖާއަށެވެ. މިކުއްޖާގެ އުމުރު ފުލުހުން ހާމަކޮށްފައެއް ނުވެއެވެ. މި އެ އެކްސިޑެންޓް ހިނގީ ރޭ މެންދަމު 12:30 އެހާކަށްހާއިރުއެވެ.