ޗައިނާގައި ބޭއްވި އެއަރ ޝޯވ އެއްގެ ތެރެއިން- ފައިލް ފޮޓޯ: ޒިންހުއާ
ޗައިނާގެ ހެއިބެއި ޕްރޮވިންސްގައި ބޭއްވި އެއަރ ޝޯއެއްގެ ތެރެއިން ކުޑަ މަތިންދާ ބޯޓެއް ވެއްޓި 4 މީހުން މަރުވެއްޖެއެވެ.
މިހޙާދިސާ ހިނގީ ލުއަންޝެންގް އެއަރޕޯޓްގައި ބޭއްވި ޖެނެރަލް އޭވިއޭޝަން އެގްޒިބިޝަން އެންޑް އެވީ-ކްލަބް ފްލައިޓް ކާރނިވަލްގެ ތެރެއިން އެލްއީ ފައިވް ހަންޑްރަޑް މަރުކާގެ ކުޑަ މަތިންދާ ބޯޓެއް ވެއްޓިގެންނެވެ. މިބޯޓު ވެއްޓިފައިވަނީ ލުއަންޝެންގް އެއަރޕޯޓް ކައަރީގައި އޮތް ހުސް ބިމަކަށްކަމަށް މަޢުލޫމަތު ލިބެއވެެ.
މިޙާދިސާގައި މަރުވީ ބޯޓު ދުއްވަން އިން ޕައިލަޓާއި، 3 ފަސިންޖަރުންނެވެ. މިޙާދިސާ ހިނގަން މެދުވެރިވި ސަބަބު އޮޅުން ފިލުވުމަށް ކަމާބެހޭ ފަރާތްތަކުން ދަނީ ތަހުޤީގުކުރަމުންނެވެ. މިއެއަރ ޝޯއަކީ މިދިޔަ އަންގާރަދުވަހު ފެށުނު އެއަރ ޝޯއެކެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ