ކުއްލި ހާލަތްތަކުގައި ކުރާ މަސައްކަތްތައް ހަރުދަނާކުރުމަށް އެއްބަސްވުމެއް

ކުއްލި ހާލަތްތަކުގައި ގުޅިގެން ކުރާ މަސައްކަތްތައް އިތުރަށް ހަރުދަނާކުރުމަށް މޯލްޑިވްސް އެއަރޕޯޓްސް ކޮމްޕެނީ ލިމިޓެޑް، އެމްއޭސީއެލްއާއި ދިވެހި ފުލުހުންގެ ޚިދުމަތާ ދެމެދު އެއްބަސްވުމެއްގަިއ ސޮއިކޮށްފިއެވެ.

މި އެއްބަސްވުމަކީ، ކުއްލި ހާލަތްތަކުގައި އަޅާ ފިޔަވަޅުތައް ހަރުދަނާކުރުމަށްޓަކައި އެކުލަވާލި އެއްބަސްވުމެކެވެ.

މިކަމަށްޓަކައި ބޭއްވި ޚާއްސަ ރަސްމިއްޔާތެއްގައި، މި އެއްބަސްވުމުގައި ދިވެހި ފުލުުންގެ ޚިދުމަތުގެ ފަރާތުން ސޮއިކުރެއްވީ، ކޮމިޝަނަރ އޮފް ޕޮލިސް އިސްމާޢީލް ނަވީންއެވެ. އެމްއޭސީއެލްގެ ފަރާތުން އެއްބަސްވުމުގައިޮ ސޮއިކުރެއްވީ، މެނޭޖިން ޑިރެކްޓަރ އިބްރާހީމް ޝަރީފް މުހައްމަދެވެ.

The Maldives Police Service and @MACLmedia have signed a MoU on Airport Crisis Management.

MoU was signed on behalf of the Maldives Police Service by @PoliceMvCP Ismail Naveen and on behalf of MACL by Chief Executive Officer and Managing Director Ibrahim Shareef Mohamed.

This… pic.twitter.com/VtjQMJCH8F

— Maldives Police (@PoliceMv) December 29, 2025

ކުއްލި ހާލަތްތަކުގައި ދިމާވާ އެކި ކަންކަމުގައި ފޯރުކޮށްދޭ ޚިދުމަތްތައް ހަރުދަނާކޮށް، އަވަސް ޚިދުމަތްތަކެއް ފޯރުކޮށްދިނުމަށް އެމްއޭސީއެލްއިން އަންނަނީ ގިނަ މަސައްކަތްތަކެއް ކުރައްވަމުންނެވެ.

މި ދެ މުވައްސަސާ ގުޅިގެން މަސައްކަތް ކުރުމުގެ ސަބަބުން އާންމުންގެ ސަލާމަތާއި ރައްކާތެރިކަން ކަށަވަރު ކުރުމަށާއި، އެއަރޕޯޓުގެ އޮޕަރޭޝަންތަކަށް ޚާއްސަ އިސްކަމެއް ދެވިގެންދާނެކަމަށް ދިވެހި ފުލުހުންގެ ޚިދުމަތުން ވިދާޅުވެއެވެ.