ޚަބަރު
މާވަށު ސްކޫލުގެ ޖާގަ އިތުރުކުރުމުގެ މަސައްކަތް އެމްޓީސީސީއާ ހަވާލުކޮށްފި
-
9 ކްލާސްރޫމު އިމާރާތްކުރާނެ
-
ލެބޯރަޓަރީއާއި ލައިބްރަރީ މަރާމާތުކުރާނެ
-
ސްކޫލުގެ ވަށާފާރުގެ މަސައްކަތްވެސް ކުރާނެ
ލ. މާވަށު ސްކޫލުގެ އެކްސްޓެންޝަން އިމާރާތުގެ މަސައްކަތް އެމްޓީސީސީއާ ހަވާލުކުރުން / ފޮޓޯ: ރައީސް އޮފީސް
ލ. މާވަށު ސްކޫލުގެ އެކްސްޓެންޝަން އިމާރާތުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ، އެމްޓީ.ސީ.ސީއާ ޙަވާލުކޮށްފިއެވެ.
އެމް.ޓީ.ސީ.ސީއާ މި މަސައްކަތް ޙަވާލުކުރީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މާވަށު ރައްޔިތުންނާއެކު ބޭއްވެވި ބައްދަލުކުރެއްވުމުގެ ތެރެއިންނެވެ.
މިކަމުގެ އެއްބަސްވުމުގައި ތަޢުލީމީ ވުޒާރާގެ ފަރާތުން ސޮއިކުރީ ވަޒީރު ޑރ. އިސްމާޢީލް ޝަފީޢުއެވެ. އަދި އެމް.ޓީ.ސީ.ސީގެ ފަރާތުން ސޮއިކުރެއްވީ، އެކުންފުނީގެ މެނޭޖިންގ ޑިރެކްޓަރ އަޙްމަދު ސަޢުދީއެވެ.
މި މަޝްރޫޢުގެ ދަށުން މާވަށު ސްކޫލަށް 9 ކްލާސްރޫމް އިތުރުކުރުމަށް ވަނީ ހަމަޖެހިފައެވެ. އަދި ސްކޫލުގެ ލެބޯރަޓަރީއާއި ލައިބްރަރީ އިމާރާތްކުރުމާއި ވަށާފާރުގެ މަސައްކަތްވެސް ކުރުމަށް ވަނީ ހަމަޖެހިފައެވެ.