ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމަށް ފިޠުރު ޢީދުގެ މުނާސަބަތާ ގުޅިގެން ސަޢުދީ ޢަރަބިއްޔާގެ ރަސްގެފާނު ސަލްމާން ބިން ޢަބްދުލްޢަޒީޒް އާލް-ސަޢުދު ތަހުނިޔާ ވިދާޅުވެއްޖެއެވެ.
ރައީސުލްޖުމްހޫރިއްޔާއަށް ތަހުނިޔާ ވިދާޅުވުމަށްޓަކައި ސަޢުދީ ޢަރަބިއްޔާގެ ރަސްގެފާނު ސަލްމާން ބިން ޢަބްދުލްޢަޒީޒް އާލް-ސަޢުދު ވަނީ މިއަދު ފޯނުން ގުޅުއްވާ ވާހަކަފުޅު ދައްކަވާ ފިޠުރުގެ ޢީދުގެ ތަހުނިޔާ ވިދާޅުވެފައެވެ. ސަޢުދީ ޢަރަބިއްޔާގެ ރަސްގެފާނުގެ ވާހަކަފުޅުގައި އެމަނިކުފާނުގެ އަމިއްލަ ނަންފުޅުގައި ރައީސުލްޖުމްހޫރިއްޔާއަށާ ދިވެހި ރައްޔިތުންނަށް އިޚްލާޞްތެރިކަމާއެކު ފިޠުރު ޢީދުގެ ތަހުނިޔާ ވިދާޅުވެފައިވެއެވެ.
ރައީސުލްޖުމްހޫރިއްޔާވަނީ ސަޢުދީ ޢަރަބިއްޔާގެ ރަސްގެފާނު ސަލްމާން ބިން ޢަބްދުލްޢަޒީޒް އާލް-ސަޢުދު ގުޅުއްވާ ޢީދުގެ ތަހުނިޔާ ވިދާޅުވުމާ ގުޅިގެން އެމަނިކުފާނަށް ދިވެހި ރައްޔިތުންނާ ރައީސުލްޖުމްހޫރިއްޔާގެ އަމިއްލަ ނަންފުޅުގަ ޝުކުރު ދަންނަވާފައެވެ.