ސިޔާސީ ޕާޓީއެއްގައި މިވަގުތު އަމަލީގޮތުން މަސައްކަތްކުރާކަށް ނެތިން: ރައީސް ނަޝީދު
-
ރައީސް ނަޝީދު ނިސްބަތްވާ ދަ ޑިމޮކްރެޓްސްގެ އިސް ބޭފުޅުންތަކެއް އެމްޑީޕީއާ ވަނީ ގުޅިފައި
އެއްވެސް ސިޔާސީ ޕާޓީއެއްގައި މިވަގުތު އަމަލީގޮތުން މަސައްކަތްކުރައްވަން ގަސްތުނުކުރައްވާކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވެފައި މިވަނީ އެމަނިކުފާނު ނިސްބަތްވާ ދަ ޑިމޮކްރެޓްސްގެ އިސް ބޭފުޅުންތަކެއް އެމްޑީޕީއާ ގުޅެމުންދާ ދަނޑިވަޅެއްގައެވެ. ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ރައީސް ނަޝީދު ވިދާޅުވީ އެމަނިކުފާނަކީ އެއްވެސް ސިޔާސީ ޕާޓީއަކާއި އިދިކޮޅުވާނެ މީހެއް ނޫންކަމަށެވެ.
"އެމްޑީޕީއަކީ އަޅުގަނޑުގެ ދަރިއެއްފަދަ ޕާޓީއެއް. އެ ޕާޓީ ވަރުގަދަވެ އޮތުން އެއީ އަބަދުވެސް އަޅުގަނޑު އެދޭނެކަމެއް" ރައީސް ނަޝީދު ވިދާޅުވިއެވެ.
Alhugadu ge hayaathuge bodu baeh heydhakuree Dhivehi Raajjeygai gina party ekulevey nizaameh qaaim kurumuge masakkathugai. Qaumeh ge tharahgee ah, rayyithehge thanavaskamah eneme beynun eh vaseelathakee vaadhaveri siyaasee harakaiykamun, 2008 ge inthikhaab ah fahugai Sarukaaruge…
— Mohamed Nasheed (@MohamedNasheed) January 13, 2025
ރައީސް ނަޝީދު ވިދާޅުވީ އެމަނިކުފާނު އެންމެފަހުން ގުޅިވަޑައިގެންނެވި ދަ ޑިމޮކްރެކްޓްސްއަކީ ޒުވާނުންނަށް ސިޔާސީ މަސައްކަތުގައި ބައިވެރިވުމަށް ލިބުނު ފުރުސަތެއްކަމަށެވެ. ނަމަވެސް އެއްވެސް ޕާޓީއެއްގައި އަމަލީ މަސައްކަތްކުރާކަށް މިވަގުތު ގަސްތުނުކުރައްވާކަމަށް ރައީސް ނަޝީދު ވިދާޅުވިއެވެ.
"އެހެންނަމަވެސް ރާއްޖޭގެ ސިޔާސީ ހަރަކާތުން މުޅިން ދުރުވާކަށްވެސް ނެތިން" ރައީސް ނަޝީދު ވިދާޅުވިއެވެ.
އެއްވެސް ސިޔާސީ ޕާޓީއެއްގައި މިވަގުތު އަމަލީގޮތުން މަސައްކަތްކުރައްވަން ގަސްތުނުކުރައްވާކަމަށް ރައީސް މުހައްމަދު ނަޝީދު ވިދާޅުވެފައިވާއިރު، އެމަނިކުފާނު މިވަގުތު ހުންނެވީ ބައިނަލްއަޤްވާމީ ޖަމުޢިއްޔާއެއްކަމަށްވާ ދަ ކްލައިމެޓް ވަލްނަރަބަލް ފޯރަމްގެ ސެކްރެޓަރީ ޖެނެރަލްގެ މަޤާމުގައެވެ.