ބަނގުރަލުގެ މައްސަލައެއްގައި ހައްޔަރުކުރި 3 މީހަކު ކޯޓުން ދޫކޮށްލައިފި

އާ އަހަރާ ދިމާކޮށް ފުލުހުން ހިންގި އޮޕަރޭޝަނުގައި ބަނގުރަލުގެ މައްސަލައެއްގައި މާލެ ސަރަހައްދުން ހައްޔަރުކުރި 3 މީހަކު ކޯޓުން ދޫކޮށްލައިފިއެވެ.

ފުލުހުން ވިދާޅުވީ މީލާދީ އާ އަހަރާ ދިމާކޮށް ހިންގި މަސްތުވާތަކެތީގެ އޮޕަރޭޝަނުގައި ހައްޔަރުކުރީ ގ. ރެއިންބޯ އިސްމާއިލް މާހީން މުސްތަފާ 26، ސ. ހުޅުދޫ، ހެޕީޑްރީމް އިބްރާހިމް އަކްމަލް އަބްދުއްސައްތާރު އަދި ސ. ހުޅުދޫ، ޗާދަނީގޭ އަހުމަދު އާނިޝް 22، ކަމަށެވެ.

މި 3 މީހުން ހައްޔަރުކޮށްފައިވަނީ ޤާނޫނާއި ހިލާފަށް ބަނގުރާ، ގެންގުޅެ، ބޭނުންކޮށް އެތަކެތީގެ ވިޔަފާރިކުރާކަމަށް ތުހުމަތު ކުރެވޭ މައްސަލައެއްގައިކަމަށް ފުލުހުން ވިދާޅުވެއެވެ.

ފުލުހުން ވިދާޅުވީ މި 3 މީހުންގެ ބަންދާއި މެދުގައި ގޮތެއް ނިންމުމަށް ކޯޓަށް ހާޒިރު ކުރުމުން ޝަރުތުތަކާއެކު ކޯޓުން ދޫކޮށްލާފައިވާކަމަށެވެ. އެމީހުން ދޫކޮށްލިނަމަވެސް މި މައްސަލަ ގެންދަނީ ތަހުގީގުކުރަމުންކަމަށް ފުލުހުން ވިދާޅުވެއެވެ.