ރާއްޖެއިން ބޭރުގައި ކިޔަވާ ދަރިވަރުންގެ ދަފްތަރުގައި 2000 އަށްވުރެ ގިނަ ދަރިވަރުން ރަޖިސްޓްރީވެއްޖެ

ރާއްޖެއިން ބޭރުން ތައުލީމު ހާސިލުކުރާ ދަރިވަރުންގެ ދަފްތަރުގައި 2،116 ދަރިވަރުން ރަޖިސްޓްރީކޮށްފިއެވެ.

ސަރުކާރުން ދެއްވާ ސްކޮލަރޝިޕާއި، ލޯނުގައި ކިޔަވަމުން އަންނަ ކުދިންގެ އިތުރުން ރާއްޖެއިން ބޭރުގައި ކިޔަވަމުން އަންނަ ދިވެހި ދަރިވަރުންގެ ދަފްތަރެއް އެކުލަވާލީ މިއަހަރުގެ އޭޕްރިލްމަހުގައެވެ.

މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާއިން ވިދާޅުވީ، ރާއްޖެއިން ބޭރުގައި ތަޢުލީމު އުނގެނެމުން އަންނަ ކުދިންގެ ދަފްތަރުގައި މިހާތަނަށް 2،000 ވުރެއް ގިނަ ދަރިވަރުން ރަޖިސްޓްރީކޮށްފައިވާކަމަށެވެ.

މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާއިން ވިދާޅުވީ މި ދަފްތަރު ހުޅުވާލިފަހުން މިހާތަނަށް 2،116 ދަރިވަރަކު ރަޖިސްޓްރީކޮށްފައިވާ ކަމަށެވެ. އެގޮތުން މި ދަފްތަރުގައި، 915 ފިރިހެން ދަރިވަރުންނާއި 1،201 އަންހެން ދަރިވަރުންނާއި ހިމެނޭކަމަށް އެ ވުޒާރާއިން ވިދާޅުވެއެވެ.

މި ދަރިވަރުންގެތެރޭގައި ހިމެނެނީ ބައިލެޓަރަލް ސްކޮލަރޝިޕްގައި ހިމެނޭ ދަރިވަރުންނާއި ސަރުކާރު ސްކޮލޮޝިޕުގައި ކިޔަވާ ދަރިވަރުންގެ އިތުރުން ސަރުކާރު ލޯނުގެ ދަށުން ކިޔަވާ ދަރިވަރުންނާއި އަދި އަމިއްލަ ޚަރަދުގައި ނުވަތަ އެހެނިހެން ގޮތްގޮތުން ކިޔަވަމުން އަންނަ ދަރިވަރުން ކަމަށެވެ.

މިގޮތަށް ދަފްތަރެއް އެކުލަވާލެވުމުގެ ބެނުމަކީ ރާއްޖެއެއިން ބޭރުގައި ތައުލީމް އުގެނަމުން އަންނަ ދަރިވަރުންގެ ކަންކަން މޮނީޓަރކޮށް ބެލެހެއްޓުމުގައި ލުއިފަސޭހަގޮތްތަކެއް ފަހިކުރުން ކަމަށް މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާއިން ވިދާޅުވިއެވެ.