ބަޖެޓު ބަހުސް މިއަދަށް ނިންމާލައިފި

އަންނަ އަހަރަށް ލަފާ ކުރާ ބަޖެޓުގެ ބަހުސް މިއަދަށް ނިންމާލައިފިއެވެ. ނަމަވެސް އެންމެ ފުރަތަމަ މިއަދުގެ ޖަލްސާގައި ވަނީ މިރޭ 11:00 އާ ހަމައަށް ބަހުސް ކުރިއަށް ގެންދިއުމަށް ފާސްކޮށްފައެވެ. ނަމަވެސް މެންދުރު ފަހު ބަޖެޓަށް ބަހުސް ކުރައްވާނެ މެންބަރަކު ނެތުމުން ވަނީ ބަހުސް މިއަދަށް ނިންމަވާލައްވާފައެވެ.

ބަޖެޓުގެ ބަހުސް ފަށާފައިވަނީ އިއްޔެގެ ޖަލްސާގައެވެ. ނަމަވެސް ބަޖެޓު ފޮތް މަޖިލީހުގެ މެންބަރުންނަށް ލިބިފައިވަނީ އިއްޔެކަން ފާހަގަކުރައްވައި ރިޔާސަތުން ވަނީ ބަހުސް ހެނދުނު 10:30 އާ ހަމައަށް ގެންދިއުމަށްފަހު މިއަދާއި މާދަމާ ބަހުސް ކުރިއަށްގެންދިއުމަށް ނިންމަވާފައެވެ.

މާދަމާގެ ޖަލްސާގައިވެސް ބަހުސް ކުރުމަށް ބޭނުންފުޅުވާ މެންބަރުންގެ ވާހަކަފުޅުތައް ނިމެންދެން ޖަލްސާ ކުރިއަށްގެންދިއުމަށް ވަނީ ފާސްކޮށްފައެވެ.

އަންނަ އަހަރަށް ލަފާ ކުރާ ދައުލަތުގެ ބަޖެޓު މަޖިލިހަށް ހުށަހަޅުއްވާފައިވާއިރު އެންމެ ފުރަތަމަ ކުރިއަށްދާނީ މެންބަރުން ބަޖެޓަށް ބަހުސް ކުރުމުގެ މަރުހަލާއެވެ. އެއަށްފަހު ބަަޖެޓު ދިރާސާކުރުމަށް އެކަމަށް ޚާއްސަ ކޮމިޓީއަށް ފޮނުވާނެއެވެ.

ބަޖެޓް ފާސްވާނީ ބަޖެޓް ކޮމިޓީން ދިރާސާ ކުރުމަށްފަހު މެންބަރުންގެ މެދުގައި ނަގާ ވޯޓަކުންނެވެ.