މާފަންނު ބޮޑުގެ ބިމުގައި ދާއިމީ މިސްކިތެއް ބިނާކުރުމަށް ބަޔަކާ ޙަވާލުކޮށްފި

މާފަންނު ބޮޑުގެ ބިމުގައި ދާއިމީ މިސްކިތެއް ބިނާކުރުމަށް އިސްލާމީ ކަންތައްތަކާ ބެހޭ ވުޒާރާއިން ވިޔަފާރިވެރިންގެ ޓީމަކާއި ޙަވާލުކުރައްވައިފިއެވެ.

އިސްލާމީ ކަންތައްތަކާ ބެހޭ ވުޒާރާއިން ވިދާޅުވީ އެބިމުގައި މިސްކިތް ބިނާކުރަނީ 3 ފަންގިފިލާއަށް ކަމްށެވެ. އަދި މި މަޝްރޫޢު ޙަވާލުކުރައްވާފައިވަނީ މާފަންނު ބޮޑުގެ ބިމުގައި ދާއިމީ މިސްކިތެއް ބިނާކުރުމަށް ޝައުގުވެރިކަން ފާޅުކުރެއްވި ވިޔަފާރިވެރިންގެ ޓީމަކާ ކަމަށްވެސް އެ ވުޒާރާއިން ވިދާޅުވިއެވެ.

މާފަންނު ބޮޑުގެ ބިމުގައި ތިން ފަންގިފިލާގެ މިސްކިތެއް ބިނާ ކުރުމަށް އެއްބަސްވުމުގައި ސޮއިކޮށްފިhttps://t.co/2FYsPDobCO

— Ministry of Islamic Affairs (@MVIaffairs) November 7, 2024

މި އެއްބަސްވުމުގައި ވުޒާރާގެ ފަރާތުން ސޮއިކުރެއްވީ ވަޒީރު ޑރ. މުޙައްމަދު ޝަހީމް އަލީ ސަޢީދުއެވެ.

މި މިސްކިތުގައި ޤުރްއާން ކިޔަވައިދިނުމުގެ އިންތިޒާމުގެ އިތުރުން ލައިބްރަރީގެ ޚިދުމަތްވެސް ލިބެން ހުންނާނެކަމަށް އިސްލާމީ ކަންތައްތަކާ ބެހޭ ވުޒާރާއިން ފާހަގަކުރައްވައެވެ.

އެ ވުޒާރާއިން ވިދާޅުވީ، މި މިސްކިތުގެ ބިންގާ ޑިސެމްބަރު މަހުގެ ތެރޭގައި އަޅާ ރޯދަ މަހުގެ ފަހުން މިސްކިތުގެ ޢަމަލީ މަސައްކަތް ފެށުމަށް ހަމަޖެހިފައިވާކަމަށް އިސްލާމީ ކަންތައްތަކާއި ބެހޭ ވުޒާރާއިން ވިދާޅުވެއެވެ.