ޤައުމީ ދިރާސާ ކައުންސިލަށް މެމްބަރުން ޢައްޔަންކޮށްފި

"ޤައުމީ ދިރާސާ ކައުންސިލް"ގެ ނަމުގައި، ކައުންސިލެއް އެކުލަވާލައި، އެ ކައުންސިލަށް މެމްބަރުން ޢައްޔަންކުރައްވައިފިއެވެ. ކައުންސިލަށް މެމްބަރުން ޢައްޔަންކުރެއްވީ އެކަމަށްޓަކައި ބޭއްވި ޚާއްސަ ރަސްމިއްޔާތެއްގައެވެ.

މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާއިން ބޭއްވި ރަސްމިއްޔާތުގައި ޤައުމީ ދިރާސާ ކައުންސިލަށް ޢައްޔަންކުރެއްވި މެމްބަރުންނަށް ލިޔުން ހަވާލުކޮށްދެއްވީ މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާގެ ޕީއޭ އާއިޝަތު ހިކްމާއެވެ.

ޤައުމީ ދިރާސާ ކައުންސިލަށް ޖުމްލަ 9 މެންބަރުން ވަނީ ޢައްޔަންކޮށްފައެވެ. އެ މެންބަރުންނަކީ:

• މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް އައްޔަންކުރައްވާ ފަރާތް(ކައުންސިލް ޗެއަރ): ސްޓޭޓް މިނިސްޓަރ، އަޙްމަދު ޝަފީޢު
• މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް ތަމްސީލް ކުރައްވާ ފަރާތެއް: ޑެޕިއުޓީ މިނިސްޓަރ، އައިމިނަތު ޝަޝީ
• ދިވެހިރާއްޖޭގެ ޤައުމީ ޔުނިވާސިޓީ ތަމްސީލް ކުރައްވާ ފަރާތެއް: އެމްއެންޔޫގެ ޑެޕިއުޓީ ވައިސް ޗާންސެލަރ، ޑރ. ރަޙީމާ އަބްދުލްރަޙީމް
• ދިވެހިރާއްޖޭގެ ޤައުމީ ޔުނިވާސިޓީ ތަމްސީލް ކުރައްވާ ފަރާތެއް: އައިޔޫއެމްގެ ޑެޕިއުޓީ ވައިސް ޗާންސެލަރ، ޑރ. ވިސާލް މޫސާ
• ދިވެހިރާއްޖޭގައި ދިރާސާކުރުމުގެ ދައިރާގައި އަމަލީގޮތުން ހަރަކާތްތެރިވާ މުއައްސަސާއެއް ތަމްސީލްކުރައްވާނެ ފަރާތެއް: ސީޑީއީ ކޮންސަލްޓިން އިންޖީނިއަރ، ޑރ. ނަޝްވާން މަތީން
• ދިވެހިރާއްޖޭގައި ދިރާސާކުރުމުގެ ދައިރާގައި އަމަލީގޮތުން ހަރަކާތްތެރިވާ މުއައްސަސާއެއް ތަމްސީލްކުރައްވާނެ ފަރާތެއް: މޯލްޑިވިސް މެރިން ރިސާޗް އިންސްޓިޓިއުޓްގެ ޑިރެކްޓަރ، މުޙައްމަދު ޝިމާލް
• އުފެއްދުންތެރި އިޖާދީ މަސައްކަތްކުރާ މުއައްސަސާއެއް ތަމްސީލު ތަމްސީލްކުރައްވާނެ ފަރާތެއް: ލޮޓީ ފައިލްސްގެ އިންގިނިއަރިންގ މެނޭޖަރ އޮފް އާރު އެންޑް ޑީ، ނާޢީލް އަބްދުލް ރަޙްމާން
• އަމިއްލަ ކޮލެޖެއް ތަމްސީލްކުރާނެ ފަރާތެއް: ވިލާ ކޮލެޖްގެ ޑެޕިއުޓީ ވައިސް ރެކްޓަރ، ޑރ. މުޙައްމަދު ޢާދިލް
• މާލީ ވުޒާރާ ތަމްސީލްކުރައްވާނެ ފަރާތެއް: މާލީ ވުޒާރާ ޗީފް އެކައުންޓްސް އެގްޒެކެޓިވް ޗީފް އެކައުންޓްސް އެގްޒެކިއުޓިވް، މުޙައްމަދު މާއިޒް މުނާޒް

ޤައުމީ ދިރާސާ ކައުންސިލް އުފެއްދުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވައުދުފުޅެކެވެ. އެގޮތުން މި ކައުންސިލަކީ ދިވެހިރާއްޖޭގައި ޢިލްމީ ދިރާސަކުރުމާއި، އޭގެ އަލީގައި ފިކުރީމުދާ އުފެއްދުމުގެ މަސައްކަތްތަށް ހިންގައި ބެލެހެއްޓުމަށް އެކުލަވައިލާ ކައުންސިލެކެވެ.

މި ކައުންސިލްގެ މެމްބަރުންނަކީ "ޤައުމީ ދިރާސާ ފަންޑު" ހިންގައި ބެލެހެއްޓުމަށް ޢައްޔަންކުރެވިފައިވާ މެމްބަރުންނެވެ. އެބޭފުޅުންގެ މައިގަނޑު މަސްޢޫލިއްޔަތުތަކުގެ ތެރޭގައި، ފަންޑުން ޚަރަދުކޮށްގެން ދިރާސާކުރާނެ ދާއިރާތަށް ކަނޑައެޅުމާއި، އެ ދާއިރާތަކަށް ކަނޑައެލޫމުގެ އުޞޫލުތަށް ކަނޑައެޅުމާއި، ފަންޑުން ފައިސާ ދޫކުރާނެ ހަމަތަކެއް ޤާއިމްކޮށް، އެ ހަމަތަށް ތަންފީޒުކުރުން ހިމެނެއެވެ.