ވެސްޓްއިންމޯލްޑިވްސްގެ ރާއްޖޭގެ ފުރަތަމަ ރިސޯޓް ހުކުރުދުވަހު ހުޅުވަނީ
ފަތުރުވެރިން ޝައުގުވެރިވާ ކަނޑުގެ ދިރުންތައް މިސާލަކަށް ބަލައިގެން ފަރުމާކޮށްފައިވާ ވެސްޓިން މޯލްޑިވްސް މިރިއަންދޫ ރިސޯޓް މިހަފްތާގެ ހުކުރު ދުވަހު ރަސްމީކޮށްހުޅުވަން ނިންމައިފި. ތަފާތު ގޮތަކަށް ފަރުމާކޮށްފައިވާ މި ރިސޯޓްއަކީ ބ.އަތޮޅުގައި ހުޅުވާ 16 ވަނަ ރިސޯޓެވެ.
ވެސްޓިން މޯލްޑިވްސް އިން ރާޖޭގައި ހުޅުވާ ފުރަތަމަ ރިސޯޓް ހުޅުވަން ތައްޔާރު ވެފައިވާއިރު މިހާރު ކުރިއައްދަނީ ފޮޅާ ސާފުކުރުމެ މަސައްކަތާއި ރެސްޓޯރަންޓްތަކަށް ބޭނުންވާ ހިފާއިގެންގުޅޭ ސާމާނު ތަރުތީބު ކުރުމުގެ މަސައްކަތާއި ދޮންވެލިގަނޑާ ރަށުތެރެ ސާފުކުރުމުގެ މަސައްކަތެވެ. ޕީއެސްއެމް ނިއުސްއާ ވަހަކަދައްކަވަމުން އެރިސޯޓްގެ ޖެނެރަލް މެނޭޖަރު ވިދާޅުވީ ހުކުރު ދުވަހު ރިސޯޓް ހުޅުވަން ތައްޔާރުވަމުން ދާއިރު ޖުމްލަކޮށް ބަލާނަމަ ބޮޑެތި ހުރިހައި މަސައްކަތްތަކެއް މިހާރު ނިމިފައި ވާކަމަށެވެ.
