ޚަބަރު
ރަސްދޫގައި ޗުއްޓީ ހޭދަކުރަމުން ދިޔަ ފަތުރުވެރިއަކު މަރުވެއްޖެ
-
މަރުވެފައިވަނީ 27 އަހަރުގެ ފިރިހެނެއް
އއ.ރަސްދޫ ރަށު ފަތުރުވެރިކަމާއެކު މިރަށަށް ވަނީ އިޤްތިސާދީގޮތުން ބޮޑެތި ކުރިއެރުންތަކެއް ލިބިފައި - ފޮޓޯ: ސާއިފް
އއ. ރަސްދޫގެ ބޭރުގައި ސްނޯކަލިންއަށް ގޮސް އުޅުނު ޗައިނާގެ ފަތުރުވެރިޔަކު އިއްޔެ މަރުވެއްޖެއެވެ.
އެއީ އެ ރަށުގެ ގެސްޓް ހައުސްއެއްގައި ޗުއްޓީ ހޭދަކުރަމުން ދިޔަ އުމުރުން 27 އަހަރުގެ ޗައިނާ ފިރިހެނެކެވެ. ފުލުހުން ވިދާޅުވީ، އެއީ ރަސްދޫ ކައިރީ އޮންނަ ގަންގެހި ރިސޯޓު ބޭރުގައި ސްނޯކެލިންއަށް ގޮސް އުޅުނު މީހެއް ކަމަށެވެ.
ރަސްދޫ ހެލްތު ސެންޓަރާ ހަވާލާދީ ފުލުހުން ވިދާޅުވީ، އޭނާ މަރުވިކަމުގެ ރިޕޯޓު ލިބުނީ އިއްޔެ ހެނދުނު 11:22 ގައި ކަމަށެވެ. އެ ރަށު ހެލްތު ސެންޓަރަށް އޭނާ ގެންދިޔައިރު ވެސް އޮތީ މަރުވެފައި ކަމަށް ފުލުހުން ވިދާޅުވެއެވެ
ފުލުހުން އަންނަނީ މި މައްސަލަ ތަހުގީގު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ