އަޠްހަރު ހޮސްޕިޓަލުން ދޫކޮށްލުމުން އަނެއްކާވެސް ފުލުހުންގެ ބެލުމުގެ ދަށަށް
-
އެންމެ ފުރަތަމަ އޭނާއަށް ފަރުވާދިނީ އޭޑީކޭގައި
-
ހޮޑުލަވާތީކަމަށް ބުނުމުން އައިޖީއެމްއެޗް އޮބްޒަވޭޝަންގައި ވަނީ ބާއްވާފައި
-
އޭނާ ހުރީ ފުލުހުންގެ ބެލުމުގެ ދަށުގައި
މާލޭގައި އަންހެނަކު ރަހީނުކުރި މީހާ އިތުރު ފަރުވާއަށް އައިޖީއެމްއެޗުގެ އޮބްޒަވޭޝަންގައި ބޭއްވުމަށް ފަހު މިހާރު ދޫކޮށްލާފައިވާ ކަމަށް އެސިސްޓެންޓް ކޮމިޝަނަރ އޮފް ޕޮލިސް އަހުމަދު ޝިފާން ވިދާޅުވެއްޖެއެވެ.
މާލޭގެ މަގުމަތީގައި ވަޅިއަކުން ބިރު ދައްކައިގެން އަންހެނަކު ރަހީނުކުރުމަށް މަސައްކަތްކޮށްފައިވަނީ ށ. މިލަންދޫ، ހެޕީލޭންޑް އާދަމް އަޠްހަރު ނަމަކަށް ކިިޔާ މީހެކެވެ. ނަމަވެސް ފުލުހުން ހުށިޔާރުކަމާއެކު ކުރި މަސައްކަތުން އަންހެން މީހާ ވަނީ ސަލާމަތްކޮށްފައެވެ.
މި ހާދިސާއަށްފަހު އަންހެން މީހާއާއި ފިރިހެން މީހާއަށް ހޮސްޕިޓަލުގައި ފަރުވާ ދިން ނަމަވެސް، މާބޮޑު އަނިޔާތަކެއް ނުލިބޭކަމަށް ފުލުހުން ވިދާޅުވެއެވެ. މި މައްސަލާގައި ހިމެނޭ ފިރިހެން މީހާ އޭޑީކޭ ހޮސްޕިޓަލުން ފަރުވާދިނުމަށްފަހު، ހޮޑުލަވާތީ އަލުން އައިޖީއެމްއެޗްގެ އޮބްޒަރޭޝަންގައިވަނީ ބާއްވާފައެވެ.
މިއަދު ހެނދުނު އަތުހަރުވަނީ ހޮސްޕިޓަލުން ދޫކޮށްލާފައި. https://t.co/SViezQmgg4
— Ahmed Shifan (@Shifan4040) August 31, 2024
އެހެން ނަމަވެސް މިހާރު އޭނާވަނީ ހޮސްޕިޓަލުން ދޫކޮށްލާފައި ކަމަށް އެސިސްޓެންޓް ކޮމިޝަނަރ އޮފް ޕޮލިސް އަހުމަދު ޝިފާން ވިދާޅުވިއެވެ. އޭނާ މިހާރު ހުރީ ފުލުހުންގެ ބެލުމުގެ ދަށުގައިކަމަށް ފުލުހުން ވިދާޅުވެއެވެ.