ސީޕްލޭން އޮޕަރޭޝަން ހަރުދަނާކުރުމަށް ސަޢުދީއާއެކު އެއްބަސްވުމެއް

ރާއްޖޭގައި ސީޕްލޭންގެ ޚިދުމަތް ދިނުމަށް ބޭނުންވާ ގަވާއިދުތައް އެކުލަވާލުމަށް ސަޢުދި ޢަރަބިއްޔާގެ ސިވިލް އެވިއޭޝަން އޮތޯރިޓީއާއެކު އެއްބަސްވުމެއްގައި ސޮއިކޮށްފިއެވެ. މިއެއްބަސްވުން އެކުލަވާލާފައިވަނީ ދަތުރުފަތުރާއި މަދަނީ އުދުހުންތަކާ ބެހޭ ވަޒީރު މުޙައްމަދު އަމީން މިހާރު ސަޢުދީ ޢަރަބިއްޔާއަށް ކުރައްވަމުންގެންދަވާ ދަތުރުފުޅުގެ ތެރެއިންނެވެ.

މިއެއްބަސްވުމުގެ ދަށުން ރާއްޖޭގެ ސީޕްލޭން އޮޕަރޭޝަން ހަރުދަނާކޮށް ބައިނަލްއަޤުވާމީ މިންގަނޑުތަކާއެއްގޮތަށް ސަލާމަތީގޮތުން ކަށަވަރުކުރަންޖެހޭ ކަންކަން ބެލެހެއްޓުމަށް އެކުލަވާލަންޖެހޭ ގަވާއިދުތައް އެކުލަވާލުމުގައި ފަންނީ އެހީތެރިކަން ފޯރުކޮށް ދިނުމަށްވަނީ ހަމަޖެހިފައެވެ. ހަމައެއާއެކު އެވިއޭޝަންގެ ސަބަބުން ތިމާވެއްޓަށް ކުރާ އަސަރު ކުޑަކުރުމަށް ގުޅިގެން މަސައްކަތްކުރުމަށްވެސް ވަނީ ހަމަޖެހިފައެވެ.

The Maldives Civil Aviation Authority and General Authority of Civil Aviation Saudi Arabia have formally signed an MoU, establishing a framework for enhanced cooperation.

This agreement, signed by Minister of Transport and Civil Aviation Minister Mohamed Ameen, and His… pic.twitter.com/u0OlpYxlzi

— Ministry of Transport and Civil Aviation (@MoTCAmv) August 29, 2024

މިއެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ދަތުރުފަތުރާއި މަދަނީ އުދުހުންތަކާ ބެހޭ ވަޒީރު މުޙައްމަދު އަމީން ވިދާޅުވެއްޖެއެވެ. ސަޢުދި ޢަރަބިއްޔާގެ ފަރާތުން ސޮއިކުރެއްވީ އެޤައުމުގެ މިނިސްޓަރ އޮފް ޓްރާންސްޕޯޓް އެންޑް ލޮޖިސްޓިކްސް، ޞާލިހު ބިން ނާސަރު އަލް ޖައްސަރެވެ.

ދަތުރުފަތުރާއި މަދަނީ އުދުހުންތަކާބެހޭ ވަޒީރު އަމީން ސަޢުދި ޢަރަބިއްޔާއަށް ވަޑައިގަންނަވާފައިވަނީ، ސަޢުދީގެ ޓްރާންސްޕޯޓް މިނިސްޓަރާއި، އެ ޤައުމުގެ ޖެނެރަލް އޮތޯރިޓީ އޮފް ސިވިލްއޭވިއޭޝަންގެ ރައީސް ޢަބްދުލްޢަޒީޒް އަލް ދުއައިލެޖްގެ ދަޢުވަތަކަށެވެ. ވަޒީރުގެ މިދަތުރުފުޅުގައި މަދަނީ ވައިގެދަތުރުފަތުރުގެ ގުޅުން އިތުރަށް ހަރުދަނާކުރުމަށް މަޝްވަރާ ކުރެއްވުމަށް ހަމަޖެހިފައިވާކަމަށް ދަތުރުފަތުރާއި މަދަނީ އުދުހުންތަކާ ބެހޭ ވުޒާރާއިން ވިދާޅުވިއެވެ.