ރާއްޖެ އެތެރެކުރަންއުޅުނު 11.62 ކިލޯގެ މަސްތުވާތަކެތި އަތުލައިގެންފި
-
3 ބާވަތެއްގެ މަސްތުވާތަކެތި އަތުލާގަތް
-
މަސްތުވާތަކެތީގެ އަގު 9.86 މިލިޔަން ދިވެހި ރުފިޔާއަށް އަރާ
ވައިގެ މަގުން ރާއްޖެ އެތެރެކުރަން އުޅުނު 11.62 ކިލޯގެ މަސްތުވާތަކެތި އަތުލައިގެންފިއެވެ.
މޯލްޑިވްސް ކަސްޓަމްސް ސަރވިސްއިން ސޯޝަލް މީޑިއާގައި ޙިއްސާކުރެއްވި ޕޯސްޓެއްގައި ވިދާޅުވީ، ވައިގެ މަގުން އެތެރެކުރަން އުޅެފައިވަނީ 3 ބާވަތެއްގެ މަސްތުވާތަކެތި ކަމަށެވެ. އޭގެތެރޭގައި ހިމެނެނީ ކެތިނޯން، ކެނެބިސް އަދި ހެރޮއިންކަމަށާއި، މި ތަކެތީގެ މަގުމަތީ އަގު 9.86 މިލިޔަން ދިވެހި ރުފިޔާއަށް އަރާކަމަށް ކަސްޓަމްސްއިން ވިދާޅުވިއެވެ.
ވައިގެ މަގުން ރާއްޖެ އެތެރެކުރަން އުޅުނު ޖުމްލަ 11.62 ކިލޯގެ މަސްތުވާތަކެތި އަތުލައިގެންފި.
— Maldives Customs Service (@CustomsMv) August 27, 2024
ބާވަތާއި ބަރުދަން:
▫️ކެތިނޯން - (0.680) ކިލޯ
▫️ކެނެބިސް - (10.20) ކިލޯ
▫️ހެރޮއިން - (0.740) ކިލޯ
މަގުމަތީ އަގު (ޖުމްލަ): 9.86 މިލިއަން ދިވެހި ރުފިޔާ@HomeMinistrymv @CG_Customsmv pic.twitter.com/23kC1gpE7k
މަސްތުވާތަކެތީގެ މައްސަލަ ޙައްލުކުރުމަށް ސަރުކާރުން އަންނަނީ މަސައްކަތްކުރައްވަމުންނެވެ. މިއަހަރުގެ މިހާތަނަށް 143 މިލިޔަން ރުފިޔާގެ މަސްތުވާތަކެތި ވަނީ އަތުލައިގެންފައިވާކަމަށް ދިވެހި ފުލުހުންގެ ޚިދުމަތުންވަނީ ވިދާޅުވެފައެވެ.