ފެންބޮޑުވުމުގެ ސަބަބުން ރައްޔިތުންގެ ރައްކާތެރިކަން ކަށަވަރުކުރުމަށް ފުލުހުން މަގުތަކަށް
-
މާލޭގެ އެކި ހިސާބުތަކާއި ސްކޫލު ސަރަހައްދުތަކުގައި ފުލުހުން ހަރަކާތްތެރިވާނެ
-
ވެލިބަސްތާ ޖެހުމުގެ މަސައްކަތުގައިވެސް ފުލުުުހުންދަނީ އެހީތެރިވަމުން
ބޯކޮށް ވާރޭވެހި މާލޭގެ މަގުތަކުގައި ފެންބޮޑުވެފައިވާތީ ރައްޔިތުންގެ ސަލާމަތާއި ރައްކާތެރިކަން ކަށަވަރުކުރުމަށް، މާލޭގެ އެކި ހިސާބުތަކާއި ސްކޫލު ސަރަހައްދުތަކުގައި ފުލުހުން ހަރަކާތްތެރިވާން ފަށައިފިއެވެ. މިހާރު ކުރަމުންދާ ވިއްސާރައިގައި، ވެލިބަސްތާ ޖެހުމުގެ މަސައްކަތުގައިވެސް ފުލުުުހުންދަނީ އެހީތެރިވަމުންނެވެ.
މި ވިއްސާރައިގައި ބޯކޮށް ވާރޭވެހި މާލޭއާއި އަތޮޅުތެރޭގެ ރަށްރަށުގައި ފެންބޮޑުވެ ގޭގެއަށް ފެންވަންނަމުންދާތީ ފެން ހިންދުމުގެ މަސައްކަތުގައި ބައިވެރިވެ ފުލުހުން ދަނީ ރައްޔިތުންނަށް އެހީތެރިކަން ފޯރުކޮށްދެމުންނެވެ.
ވާރޭވެހި ފެންބޮޑުވުމުގެ ސަބަބުން ދަތުރުފަތުރު ކުރުމުގައި ސަމާލުވުމަށް އިލްތިމާސްކުރަން. ފުލުހުން ދަނީ މަގުތަކުގައި ހަރަކާތްތެރިވަމުން. ރައްޔިތުންގެ ސަލާމަތާއި ރައްކާތެރިކަމަށްޓަކައި ކުރެވޭ މަސައްކަތްތަކުގައި ދެއްވަމުން ގެންދަވާ އެއްބާރުލުލުމަށް ޝުކުރު ދަންނަވަން. pic.twitter.com/6t9NSwVne5
— Ahmed Shifan (@Shifan4040) August 13, 2024
ފުލުހުން ވަނީ އެއްގަމު އުޅަނދު ދުއްވުމާއި ހިނގާބިނގާވެ އުޅުމުގައިވެސް ތިމާއާއި އަނެއްކުންގެ ސަލާމަތާއި ރައްކާތެރިކަން އިސްކުރެއްވުމަށް އިލްތިމާސްކުރައްވާފައެވެ. އަދި ދިވެހި ފުލުހުން އަބަދުވެސް ތިބޭނީ ރައްޔިތުންގެ ޚިދުމަތުގައި ރައްޔިތުންނާ އެންމެ ގާތުގައިކަމަށް އެ ޚިދުމަތުން ވިދާޅުވެއެވެ.